The news is by your side.

Advertisement

اداکارہ زیبا بختیار نے زندگی کی 57 بہاریں دیکھ لیں

کراچی: پاکستانی اداکارہ زیبا بختیار آج اپنی 57ویں سالگرہ منارہی ہیں، زیبا بختیار نے فلم، ٹی وی اور اسٹیج پر اپنی جاندار اداکاری سے مداحوں کے دل جیتے۔

تفصیلات کے مطابق معروف اداکارہ زیبا بختیار نے زندگی کی 57 بہاریں دیکھ لیں، زیبا بختیار نے بھارتی فلم حنا سے فلمی کیریئر کا آغاز کیا، ان کا بیٹا اذان سمیع خان بھی شوبز سے منسلک ہے۔

اداکارہ زیبا بختیار 5 نومبر 1962 کو کوئٹہ میں پیدا ہوئیں، وہ سابق اٹارنی جنرل یحییٰ بختیار مرحوم کی صاحبزادی ہیں۔

زیبا بختیار نے پاکستان کے ساتھ بیرون ملک میں بھی اعلیٰ تعلیم حاصل کی اور بعدازاں وہ شوبز کی دنیا میں آگئیں، انہوں نے اپنے فنی کیریئر کا آغاز پی ٹی وی کے ڈرامہ سیریل انار کلی سے کیا اور اپنی معصومامہ اداکاری سے ناطرین کی بھرپور توجہ حاصل کی اور یہ ڈرامہ ان کی وجہ شہرت ثابت ہوا۔

مزید پڑھیں: پاکستان ہی میرا گھر ہے، اذان سمیع خان کا دو ٹوک اعلان

اداکارہ زیبا بختیار کی خوبصورتی کو دیکھتے ہوئے بھارتی پروڈیوسر اور ہدایت کار رندھیر کپور نے انہیں اپنی فلم حنا میں کاسٹ کیا، بعدازاں ان کو پاکستانی فلم سرگم میں ہیروئن کاسٹ کیا گیا۔

زیبا بختیار کے ہمراہ فلم سرگم میں عدنان سمیع کو کاسٹ کیا گیا، فلم کی نمائش کے بعد زیبا بختیار اور عدنان سمیع نے شادی کرلی تاہم بعد میں کچھ وجوہات کی بنا پر دونوں میں طلاق ہوگئی۔

ان کی قابل ذکر فلموں میں دیش واسی، محبت کی آرزو، سرگم، قید اور بابو شامل ہیں، فلم سرگم میں عمدہ اداکاری پر زیبا بختیار کو نگار فلم ایوارڈ سے بھی نوازا گیا۔

زیبا بختیار ان دنوں بطور ڈائریکٹر و پروڈیوسر ڈرامہ سیریل بنارہی ہیں جبکہ ان کے صاحبزادے اذان سمیع نامور موسیقار بن چکے ہیں۔

Comments

comments

یہ بھی پڑھیں