اداکارہ زیبا بختیار کا بیٹا شوبز کی دنیا میں قدم رکھنے کو تیار
The news is by your side.

Advertisement

اداکارہ زیبا بختیار کا بیٹا شوبز کی دنیا میں قدم رکھنے کو تیار

لاہور: پاکستانی ڈرامہ انڈسٹری کی نامور اداکارہ زیبا بختیار کے صاحبزادے آذان سمیع نے شوبز کی دنیا میں قدم رکھ دیا۔

تفصیلات کے مطابق پاکستانی اداکارہ زیبا بختیار اور گلوکار عدنان سمیع کے صاحبزادے کی تصویر گزشتہ روز سوشل میڈیا پر وائرل ہوئی جس میں وہ ایک پروفیشنل ماڈل کی طرح نظر آرہے ہیں۔

اداکارہ کے بیٹے کی تصویر دیکھ کر نہ صرف مداح دنگ رہ گئے بلکہ انہوں نے آذان کے لیے نیک خواہشات کا اظہار بھی کیا۔ اطلاعات کے مطابق آذان کی مذکورہ تصویر لندن میں لی گئی جہاں وہ میگزین کے لیے فوٹو شوٹ کروا رہے تھے۔

شوبز مبصرین کا کہنا ہے کہ زیبا بختیار کی صاحبزادے جلد کسی فلم یا ڈرامے میں کردار ادا کرتے نظر آئیں گے تاہم اس بات کا فیصلہ وقت کرے گا کہ وہ انڈسٹری اور شائقین کی توجہ کس حد تک حاصل کرتے ہیں۔

 واضح رہے کہ آذان بطور میوزک کمپوزر اپنے امور سرانجام دے رہے ہیں انہوں نے حال ہی میں ریلیز ہونے والی فلم کی موسقی کی دھن ترتیب دی۔

خیال رہے کہ زیبا بختیار نے شوبز انڈسٹری پر تین دہائیوں تک راج کیا، اپنے عروج کے دور میں ہی اُن کی گلوکار عدنان سمیع کے ساتھ قربتیں بڑھ گئیں تھیں اور دونوں ازدواجی بندھن میں بندھ میں گئے تھے۔

بعد ازاں اُن کے گھر بیٹے کی پیدائش ہوئی جس کا نام انہوں نے آذان رکھا، سن 1997 میں گھریلو ناچاقیوں اور تنازعات کے بعد دونوں نے راہیں جدا کرنے کا فیصلہ کیا بعد ازاں عدنان سمیع نے بھارت میں سکونت اختیار کی اور پھر کئی عرصے بعد انہوں نے پاکستانی شہریت چھوڑ دی۔

Comments

comments

یہ بھی پڑھیں