The news is by your side.

Advertisement

پشاور چڑیا گھر میں ’زیبی‘ کی آمد

پشاور: پشاور چڑیا گھر میں ایک ماہ میں دوسرے ننھے زیبرا کی آمد ہوئی ہے، جس کے بعد چڑیا گھر میں زیبراز کی تعداد 7 ہو گئی۔

تفصیلات کے مطابق پشاور چڑیا گھر انتظامیہ نے کہا ہے کہ گزشتہ دن زیبرا نے ایک مادہ بچے کو جنم دیا ہے، رواں ماہ دوسرے زیبرا کے ہاں بھی مادہ بچہ پیدا ہوا تھا۔

اے آر وائی نیوز سے بات کرتے ہوئے پشاور چڑیا گھر کے ویٹرنری ڈاکٹر عبدالقادر نے بتایا کہ 3 مارچ کو پیدا ہونے والے بچے کا نام زیلی (zelli) اور گزشتہ دن پیدا ہونے والے بچے کا نام زیبی (zebi) رکھا گیا ہے۔

ڈاکٹر عبدالقادر نے بتایا کہ زیبرا کا بچہ صحت مند ہے اور اس کا پورا خیال رکھا جا رہا ہے، نئے بچے کی آمد سے چڑیا گھر میں زیبراز کی تعداد 7 ہوگئی ہے۔

پشاور چڑیا گھر میں ننھے زیبرا کی آمد

ان کا کہنا تھا کہ چڑیا گھر میں جانوروں کی تعداد میں اضافہ ہو رہا ہے، اس وقت پشاور چڑیا گھر میں 30 مختلف انواع کے 165 جانور جب کہ 50 مخلتف اقسام کے 623 پرندے موجود ہیں۔

ڈاکٹر عبدالقادر کے مطابق چڑیا گھر میں جن جانوروں کی تعداد زیادہ ہے، ان میں سے وائلد لائف پارک کو بھی دے دیے جاتے ہیں، حال ہی میں 2 جوڑے زیبراز وائلڈ لائف پارک کو دیے گئے ہیں، جن میں ایک ڈی آئی خان اور ایک لکی وائلڈ لائف پارک میں ہے۔

واضح رہے کہ جنوبی افریقا سے زیبرا کے 2 جوڑے پشاور چڑیا گھر لائے گئے تھے، گزشتہ دو سال سے اب ان کی تعداد میں اضافہ ہو رہا ہے، زیبرا کا شمار قیمتی جانوروں میں ہوتا ہے اور اس کی قیمت 15 سے 20 لاکھ روپے تک ہے۔

Comments

یہ بھی پڑھیں