ماضی کی معروف بالی ووڈ اداکارہ زینت امان اپنی خوبصورتی کی بدولت اپنے مداحوں کے دلوں میں رہتی تھیں، ایک انٹرویو میں انہوں نے انکشاف کیا کہ ان کے شوہر کی آخری رسومات میں انہیں شریک نہیں ہونے دیا گیا۔
زینت امان نے سنہ 1985 میں شادی کی تھی جس نے لوگوں کو خاصا حیران کیا تھا، لیکن دونوں جلد ہی الگ ہوگئے تھے۔
ٹی وی شو رینڈیوس ود سیمی گریوال میں زینت نے اپنی شادی سے متعلق گفتگو کی تھی۔
انہوں نے کہا کہ اس وقت وہ کسی بھی چیز سے زیادہ ماں بننے کے لیے تیار تھیں۔ انہوں نے کہا کہ انہوں نے بچوں کے لیے ہی شادی کی تھی۔
سنہ 1998 میں ان کے شوہر مظہر خان کا انتقال ہوگیا تھا، زینت امان کا کہنا تھا کہ مظہر نسخوں اور دواؤں کے عادی ہوگئے تھے، ان کی بیماری گردے کے مرض کی وجہ سے ہوئی تھی۔
زینت کا کہنا تھا کہ انہوں نے شوہر کی زندگی کے لیے بہت جدوجہد کی، انہیں یقین تھا کہ وہ زندہ رہیں گے۔
انہوں نے کہا کہ، سب سے برا جھٹکا یہ تھا کہ مظہر کے خاندان نے ان کی آخری رسومات میں شامل ہونے کی اجازت مجھے نہیں دی، ان کی والدہ اور بہن مجھے اسے چھوڑنے کی سزا دینے کی کوشش کر رہے تھے۔
زینت امان کا کہنا تھا کہ میں نے اپنی زندگی کے بہت سے سال شوہر کو دیے تھے، وہ میرے بچوں کو والد تھے۔ جب میں نے دریافت کیا کہ کیا میں ان کی آخری رسومات میں شرکت کرسکتی ہوں تو مجھے غصے، کڑواہٹ اور نفرت بھرے انداز میں انکار کردیا گیا۔
