site
stats
پاکستان

زندہ جلائی گئی زینت کی ابتدائی پوسٹ مارٹم رپورٹ آگئی

لاہور : زندہ جلائی گئی زینت کی ابتدائی پوسٹ مارٹم رپورٹ آگئی۔

تفصیلات کے مطابق زندہ جلائے جانے والی زینت زینت کی ابتدائی پوسٹ مارٹم رپورٹ آگئی جبکہ ہولناک واقعہ کی بازگشت سینٹ میں بھی پہنچ گئی اور چیئرمین سینٹ نے واقعہ کا نوٹس لے لیا ہے۔

رپورٹ کے مطابق جب زینت کو جب شعلوں کی نظر کیا گیا تو وہ آخری سانسیں لے رہی تھی، زینت کی سانس کی نالی میں دھواں بھرنے کے شواہد بھی ملے ہیں۔

رپورٹ کے مطابق زینت کے پاؤں کے سوا تمام جسم جھلس چکا تھا، مقتولہ کے معدے میں زہریلے مادے کے شواہد نہیں ملے، زینت کی ماں نے آگ لگانے سے پہلے گلا دبانے کا اعتراف کیا ہے۔

دوسری جانب زندہ جلائے جانے کے المناک واقعے کی انکوائری کیلئے تین رکنی کمیٹی قائم کر دی گئی ہے، وزیراعلیٰ پنجاب کی ہدایت پرتشکیل دی گئی کمیٹی کے کنوینرڈپٹی کمانڈنٹ پنجاب کانسٹیبلری ابوبکرخدابخش ہونگے، کمیٹی واقعے کا ہر پہلو سے جائزہ لیکر اڑتالیس گھنٹے میں رپورٹ پیش کریگی۔

لاہورکےتھانہ فیکٹری ایریاکے علاقہ میں پسند کی شادی پر مبینہ طور پر زندہ جلائی گئی زینت کی تدفین چونگی امرسدھو قبرستان میں کردی گئی، سترہ سالہ مظلوم زینت کو پسند کی شادی کےجرم میں زندہ جلانے کے واقعےمیں ماں کے ساتھ اسکے بھائی بھی مبینہ طور پرشریک تھے۔

لڑکی کے شوہر حسن کاکہنا تھا گھر والے دوبارہ رخصتی کا جھانسہ دیکر اپنے زینت کو اپنے گھر لے گئے، بیٹی کی پسند کی شادی پر ناخوش ماں شوہر کے گھر سے لاکر اسے اپنے ہی ہاتھوں سے مٹی کا تیل چھڑک کر آگ لگادی۔

چیئرمین سینیٹ رضاربانی کابچیوں کوزندہ جلانے کے واقعات کا نوٹس لے لیا، رضا ربانی کا کہنا ہے کہ ایسے واقعات اسلامی تعلیمات کےخلاف ہیں، یہ انسانیت کی توہین ہے، مجرموں کوسخت سزادینی چاہیئے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top