کراچی : خوبصورت اداکارہ ژالے سرحدی نے پاکستانی شوبز انڈسٹری کا حصّہ بننے کی بڑی وجہ بتادی، اداکارہ نے بتایا کہ ابتدء میں ریڈیو پاکستان کے پروگرام ’بزم طلبہ‘ میں اپنی آواز کا جادو جگایا۔
پاکستان کے مشہور ڈراموں و فلموں میں اداکاری کا لوہا منوانے والی باصلاحیت اداکارہ ژالے سرحدی نے بتایا کہ میری پڑھائی شوبز میں قدم رکھنے بڑی وجہ ہے، انہوں نے بتایا کہ میں اپنی پڑھائی کا خرچہ پورا کرنے کےلیے ڈرامہ انڈسٹری کا حصّہ بنی تھی۔
اداکارہ نے بتایا کہ میں نے یہ کبھی تصور نہیں کیا تھا کہ شوبز ہی میرا مستقبل بن جائے گا اور یہ ہی میری فل ٹائم جاب ہوگی، میں اپنے کردار منتخب کرتی ہوں جس میں اداکاری زیادہ ہوں نا کہ انداز اور بناو سنگار کی تعریفیں۔
انہوں نے بتایا کہ میں نے ایک فلم میں آئٹم سانگ بھی کیا لیکن کپڑے پاکستانی ثقافت کے مطابق ہی پہنے اور میں اداکاری کو بہت سنجیدہ کام سمجھتی ہو۔
واضح رہے کہ اداکارہ نے ژالے سرحدی اے آر وائی ڈیجیٹل کے معروف ڈراموں عکس اور رنگ لاگا سمیت متعدد ڈراموں میں اپنی اداکاری کے جوہر دکھا چکی ہیں۔