The news is by your side.

Advertisement

کنگ فو کی ماہر 94 سالہ خاتون کی سوشل میڈیا پردھوم

ژی جیانگ : چین کی ایک باہمت 94 سالہ خاتون نے اپنی بڑھتی ہوئی عمر کو بھی شوق کے آڑے آنے نہ دیا، وہ آج بھی باقاعدگی سے روزانہ کنگ فو کی مشق کرتی ہیں، ان کی کنگ فو کی مہارت نے سوشل میڈیا پر دھوم مچادی۔

کنگ فو میں مہارت کے لیے کوئی عمر مقرر نہیں کی جا سکتی، ژی جیانگ کے دیہی علاقے میں شور شرابے سے دور اپنے گھر میں رہنے والی 94 سالہ زہانگ ہیکسیان کے نزدیک ایسا کچھ نہیں۔

وہ آج بھی روزانہ کنگ فو کی مشق کرتی ہیں، مذکورہ خاتون نے حال ہی میں انٹرنیٹ پر بے حد مقبولیت حاصل کی ہے۔

اپنی گفتگو میں انہوں نے کہا کہ ماضی میں کنگ فو کے ماہر کی حیثیت سے اس وقت کے بدمعاشوں کو قابو کیا اور اب جبکہ ایسے لوگوں کی تعداد بہت کم ہے تو خود کو چاق و چوبند رکھنے کے لیے کنگ فو کا استعمال کرتی ہوں۔

kung-fu-021

تاہم 94 سالہ زہانگ ہیکسیان کو خدشہ ہے کہ اب کنگ فو کی روایت دم توڑتی جا رہی ہے۔ وہ اپنے پوتے پوتیوں کو بھی ورزش کرنے کی ہدایت دیتی رہتی ہیں۔

kung-fu-022

علاوہ ازیں وہ اس عمر میں بھی  روزانہ کھانا بنانے کے لیے جنگل سے لکڑیاں کاٹ کر بھی لاتی ہیں، ان کے بیٹے فینگ چوانین کا کہنا ہے کہ والدہ اپنا روز مرہ کا ہر کام بخوبی انجام دیتی ہیں وہ اپنا خیال خود رکھتی ہیں انہیں ہماری ضرورت پیش نہیں آتی۔

Print Friendly, PDF & Email

Comments

comments

یہ بھی پڑھیں