ذی الحج کا چاند دیکھنے کے لیے 12 اگست کو اجلاس طلب
The news is by your side.

Advertisement

ذی الحج کا چاند دیکھنے کے لیے 12 اگست کو اجلاس طلب

کراچی: رویت ہلال کمیٹی کے چیئرمین نے ذی الحج 1439 ھجری کا چاند دیکھنے کے لیے 12 اگست کو اجلاس طلب کرلیا۔

تفصیلات کے مطابق  رویت ہلال کمیٹی نے ماہ ذی الحج (بقرہ عید) کا چاند دیکھنے کے لیے اجلاس کراچی محکمہ موسمیات کی بلڈنگ میں طلب کرلیا، ماہرین فلکیات نے اتوار کو رویت نظر آنے کی پیش گوئی کردی۔

ذرائع ماہرین فلکیات کے مطابق ذی القعدہ 29 روز کی ہوگی اور اتوار کو ہی ذی الحج کا چاند نظر آجائے گا، سعودی عرب اور پاکستان میں ایک ہی روز عید قرباں ہونے کا امکان ہے۔

مزید پڑھیں: سعودیہ میں حجاج کی خدمت کے لیے ہزاروں اہلکارتعینات

عید قرباں کا چاند دیکھنے کے لیے مرکزی رویت ہلال کمیٹی کا اجلاس اتوار کی شام محکمہ موسمیات کے کمپلیکس کراچی میں چیئرمین مفتی منیب الرحمان کی زیر صدارت منعقد کیا جائے گا جبکہ دیگر شہروں میں زونل کمیٹیاں بھی رویت دیکھنے کے لیے بیٹھک لگائیں گی۔

اگر اتوار کو چاند نظر آگیا تو پاکستان میں یکم ذی الحج 13 اگست بروز پیر جبکہ عید الضحیٰ 22 اگست بروز بدھ کو ہوگی، اسی طرح اگر سعودی عرب میں بھی چاند اتوار کو نظر آیا تو فرزندانِ اسلام 21 اگست بروز منگل فریضہ حج ادا کریں گے۔

واضح رہے کہ فرزندانِ اسلام 10 ذی الحج کو نماز عید کی ادائیگی کے بعد سنت ابراہیمی کے تحت قربانی کرتے ہیں، اس ضمن میں پاکستان کے بڑے شہروں میں مویشی منڈیاں بھی قائم کردی گئیں۔

یہ بھی پڑھیں: کراچی: سپر ہائی وے پر ایشیا کی سب سے بڑی مویشی منڈی قائم

خیال رہے کہ عیدالضحیٰ کی مناسبت سے حکومت کی جانب سے سرکاری تعطیلات دی جاتی ہیں، اگر 13 اگست کو چاند نظر آجاتا ہے تو  بدھ سے جمعرات تک وفاق کی جانب سے تین روزہ تعطیلات دیے جانے کا امکان ہے۔

Comments

comments

یہ بھی پڑھیں