سعودی عرب میں چاند نظر آگیا، عید قرباں 21 اگست کو ہوگی
The news is by your side.

Advertisement

سعودی عرب: ذوالحج کا چاند نظر آگیا، عید قرباں 21 اگست کو ہوگی

ریاض: سعودی عرب اور دیگر خلیجی ممالک سمیت میں ذو الحج 1439 ہجری کا چاند نظر آگیا جس کے بعد حج کا رکن اعظم وقوف عرفہ 20 اگست  کو جبکہ عید قرباں 21 اگست کو  منائی جائے گی۔

عرب میڈیا کے میڈیا کے مطابق ذوالحج کا چاند دیکھنے کے لیے سعودی سپریم کونسل کا اجلاس ہوا جس نے اب سے کچھ دیر قبل رویت کا اعلان کیا۔

عرب میڈیا کے مطابق کل یعنی 12 اگست کو یکم ذوالحج ہوگی اورفرزندان اسلام حج کا رکن اعظم پیر 20 اگست کو ادا کریں گے جبکہ عید قرباں کا پہلا روز  21 اگست کو ہوگا۔

دریں اثناء سعودی سپریم کونسل نے شہریوں سے چاند دیکھنے کی درخواست کی تھی، جس کے بعد عوام کی جانب سے شہادتیں موصول ہوئیں تو سرکاری سطح پر اعلان کیا گیا۔

مزید پڑھیں: سعودی عرب اور متحدہ عرب امارات میں عید الاضحیٰ کی چھٹیوں‌ کا اعلان کردیا گیا

علاوہ ازیں خلیجی ممالک، آسٹریلیا سمیت دیگر ممالک میں بھی چاند ذوالحج نظر آگیا ہے۔

دوسری جانب ملائیشیا، انڈونیشیا، برونائی، یونان سمیت مختلف ممالک کی حکومتوں نے چاند نظر نہ آنے کا اعلان کردیا جس کے بعد وہاں یکم ذوالحجۃ 13 اگست بروز پیر اور عید الضحیٰ 22 اگست کو منائی جائے گی۔

واضح رہے کہ سعودی حکومت نے حج اور عید قرباں کے پیش نظر 11 روزہ سرکاری تعطیلات کا اعلان پہلے ہی کررکھا ہے جبکہ دبئی حکومت نے سرکاری و نجی اداروں کے ملازمین کو 5 روز کی چھٹیاں دینے کی منظوری دی ہے۔

Comments

comments

یہ بھی پڑھیں