زمبابوے، 2 مسافر بسوں میں خوفناک تصادم، 47 افراد ہلاک zimbabwe bus crash
The news is by your side.

Advertisement

زمبابوے، 2 مسافر بسوں میں خوفناک تصادم، 47 افراد ہلاک

ہرارے: زمبابوے میں دو مسافر بسوں میں خوفناک تصادم کے نتیجے میں 47 افراد ہلاک اور متعدد زخمی ہوگئے۔

غیرملکی خبررساں ادارے کے مطابق زمبابوے کے دارالحکومت ہرارے میں 2 مسافر بسوں میں خوفناک تصادم کے نتیجے میں 47 افراد ہلاک اور متعدد زخمی ہوگئے، ہولناک حادثہ ہرارے سے چند کلو میٹر کے فاصلے پر پیش آیا۔

رپورٹ کے مطابق آمنے سامنے آنے والی بسوں میں زور دار ٹکر ہوئی، ہلاک و زخمیوں کو قریبی اسپتال منتقل کردیا گیا ہے، حادثے کی تحقیقات جاری ہیں۔

ہائی وے پولیس ترجمان پال نیاتھی نے خطرناک حادثے میں 47 افراد کی ہلاکت کی تصدیق کرتے ہوئے کہا ہے کہ حادثے کی تحقیقات جاری ہیں جبکہ زخمی ہونے والوں کو طبی امداد فراہم کی جارہی ہیں۔

اسے زمبابوے کی تاریخ کا خطرناک ترین حادثہ قرار دیا جارہا ہے بڑی تعداد میں ہلاکتوں کے باعث روساپی کے سرد خانے میں جگہ ختم ہوگئی ہے۔

واضح رہے کہ گزشتہ سال جون میں بھی زمبابوے کی قومی شاہراہ پر خطرناک حادثے کے نتیجے میں 43 افراد ہلاک ہوگئے تھے۔

Comments

comments

یہ بھی پڑھیں