The news is by your side.

Advertisement

زمبابوین کرکٹر نے بھی آسٹریلوی کھلاڑی جیمز فاکنر کو جھوٹا قرار دیدیا

زمبابوے کے سکندر رضا نے پی ایس ایل میں کبھی پیمنٹ ادائیگی میں مشکل پیش نہ آنے کی تصدیق کرکے آسٹریلوی کھلاڑی کے دعوے کی نفی کردی۔

زمبابوین کرکٹر سکندر رضا کا یہ بیان پی ایس ایل سیون میں کوئٹہ گلیڈیئٹر کا حصہ آسٹریلوی کھلاڑی جیمز فاکنر کی جانب سے پی سی بی پر رقم ادائیگی نہ کرنے کے الزامات لگاتے ہوئے پی ایس ایل چھوڑنے کے اعلان کے بعد سامنے آیا ہے۔

اپنے ایک ٹوئٹر پیغام میں سکندر رضا بٹ پاکستان کرکٹ بورڈ کے حق میں بول پڑے اور پاکستان سپرلیگ اور پی سی بی کے رویے کی تعریف کی۔

 

انہوں نے اپنے پیغام میں لکھا کہ پی ایس ایل کھیلنے کے دوران ادائیگی کا کبھی بھی کوئی مسئلہ نہیں رہا اور نہ ہی کسی اور غیرملکی کھلاڑی نے اس کے متعلق کوئی شکایت کی۔

سکندر رضا نے مزید کہا ہے کہ گزشتہ چند سالوں کے دوران پاکستان کرکٹ بورڈ نے پی ایس ایل کی میزبانی کے فرائض احسن طریقے سے کامیابی کے ساتھ انجام دیے ہیں جو اس بات کا ثبوت ہیں کہ پاکستان ایک محفوظ ملک ہے۔

سکندر کا یہ بھی کہنا تھا کہ اس واقعے کے بعد جو بھی یہ رائے دے رہا ہے کہ جیمز فاکنر کے اس رویے سے دورہ آسٹریلیا کو کوئی خطرہ ہے تو وہ سخت غلط فہمی اور وہم کا شکار ہے۔

واضح رہے کہ گزشتہ روز کوئٹہ گلیڈیئٹر کے فاسٹ بولر جیمز فاکنر نے پی سی بی پر پی سی بی پر الزامات عائد کرتے ہوئے جاری پی ایس ایل سیون سے دستبرداری کا اعلان کیا تھا۔

پاکستان کرکٹ بورڈ اور پی ایس ایل کی فرنچائز کوئٹہ گلیڈیئٹر نے کھلاڑی کے اس اقدام پر فوری ردعمل دیتے ہوئے جیمز فاکنر کو آئندہ لیگ میں نہ کھلانے کا فیصلہ کیا تھا۔

Comments

یہ بھی پڑھیں