The news is by your side.

Advertisement

پاکستان نے زمبابوے کو ون ڈے سیریز میں وائٹ واش کردیا

بلاوایو: پاکستان نے زمبابوے کو پانچویں ون ڈے میچ میں بھی 131 رنز سے شکست دے کر وائٹ واش کردیا، بابر اعظم کو مین آف دی میچ اور فخر زمان کو مین آف دی سیریز کا ایوارڈ دیا گیا۔

تفصیلات کے مطابق سرفراز احمد نے ٹاس جیت کر پہلے بیٹنگ کا فیصلہ کیا بابر اعظم اور امام الحق کی شاندار سنچریوں کی بدولت پاکستان نے 364 رنز بنائے، 365 رنز ہدف کے تعاقب میں زمبابوے کی ٹیم 4 وکٹوں پر 233 رنز بناسکی اور پاکستان نے زمبابوے کو 131 رنز کے بھاری مارجن سے ہرا کر وائش واش کیا۔

بابر اعظم کو ناقابل شکست سنچری اسکور کرنے پر میچ کا بہترین کھلاڑی قرار دیا گیا جبکہ پانچ میچوں کی سیریز میں 515 رنز بنانے والے فخر زمان مین آف دی سیریز قرار پائے۔

قبل ازیں گرین شرٹس نے پہلے بیٹنگ کا آغاز کیا تو فخر زمان اور امام الحق نے 168 رنز کی شراکت قائم کی، اوپنر فخر زمان نے 85 رنز کی اننگز کھیلی اور تیز ترین ایک ہزار رنز مکمل کرنے کا اعزاز بھی اپنے نام کیا تاہم وہ اپنی سنچری مکمل نہ کرسکے اور آؤٹ ہوگئے۔

فخر زمان کے آؤٹ ہونے کے بعد بابر اعظم اور امام الحق نے جارحانہ کھیل پیش کیا اور امام الحق نے شاندار 110 رنز کی اننگز کھیلی جبکہ بابر اعظم نے بھی 76 گیندوں پر ناقابل شکست 106 رنز بنائے یوں پاکستان نے مقررہ اوورز میں 364 رنز بنائے۔

ہدف کے تعاقب میں زمبابوے کی ٹیم مقررہ اوورز میں 233 رنز بناسکی، زمبابوے کے ریان مرے نے 47 رنز بنائے جبکہ پیٹر مور 44 رنز بنا کر ناٹ آؤٹ رہے، پاکستان کی جانب سے محمد نواز اور حسن علی نے دو، دو کھلاڑیوں کو پویلین کی راہ دکھائی۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں