اجتماعی زیادتی کیس : 8ملزمان تین روزہ ریمانڈ پرپولیس کےحوالے -
The news is by your side.

Advertisement

اجتماعی زیادتی کیس : 8ملزمان تین روزہ ریمانڈ پرپولیس کےحوالے

لاہور : عدالت نے چودہ سالہ لڑکی کے ساتھ اجتماعی زیادتی کے مقدمے میں ملوث 8 ملزمان کا تین روزہ جسمانی ریمانڈ دے دیا۔

تفصیلات کے مطابق لاہورکی مقامی عدالت نے 8 ملزمان کو تین روزہ جسمانی ریمانڈ پر پولیس کے حوالے کر دیا ہے،اجتماعی زیادتی کے 8 ملزمان کو مجسٹریٹ درجہ اول زیب شہزاد چیمہ کی عدالت میں کڑی سکیورٹی میں پیش کیا گیا۔

پولیس نے ملزمان کے 10 روزہ جسمانی ریمانڈ کی استدعا کرتے ہوئے کہا کہ ملزمان کا ڈی این اے ٹیسٹ کرانا ہے اور تفتیش بھی باقی ہے، جسمانی ریمانڈ ضروری ہے، اس کے بغیر کیس آگے نہیں چل سکتا۔ لہٰذا ملزمان کا جسمانی ریمانڈ دیا جائے، جس پر ملزمان کے وکلاء نے اس کی مخالفت کی۔

عدالت نے فریقین کے دلائل سننے کے بعد ملزمان کو تین روزہ جسمانی ریمانڈ پر پولیس کے حوالے کر دیا۔

واضح رہے کہ جمعہ کی رات ملزمان میاں عدنان ثناءاللہ، عبدالماجد، حارث، بلاول، عمران شاہد، میاں عمر، قمر زمان اور امیر محمد کیخلاف 14 سالہ لڑکی کے ساتھ اجتماعی زیادتی اور اغواء کا مقدمہ تھانہ ریس کورس میں درج ہوا تھا۔

Comments

comments

یہ بھی پڑھیں