زوئی وکاجی صنم سعید کے پیچھے کیوں پڑگئیں؟ -
The news is by your side.

Advertisement

زوئی وکاجی صنم سعید کے پیچھے کیوں پڑگئیں؟

معروف گلوکارہ زوئی وکاجی اداکارہ صنم سعید کے پیچھے پڑ گئیں اور انہیں کبھی سیلفی تو کبھی آٹو گراف لینے کے لیے زچ کر ڈالا۔

اپنے سماجی رابطوں کی ویب سائٹ فیس بک پر زوئی وکاجی نے ایک ویڈیو پوسٹ کی جس میں وہ عجیب وغریب حلیے میں معروف اداکارہ صنم سعید کا پیچھا کرتی دکھائی دے رہی ہیں۔

زوئی نے فرمائش کر کے صنم کے ساتھ سیلفی بنوائی، اس کے بعد دوبارہ آکر ان سے آٹو گراف کی فرمائش کر ڈالی۔ صنم نے ان کی ساری فرمائشیں پوری کر کے ان سے جان چھڑائی، لیکن زوئی رات کے وقت ان کے گھر بھی جا پہنچیں اور انہیں ایک پراسرار لفافہ پیش کیا۔

اس لفافے میں کچھ ایسا تھا جسے دیکھ کر صنم سعید کی ساری کوفت دور ہوگئی۔

یہ ویڈیو دراصل زوئی وکاجی کے مشہور گانے ’عشق کنارا‘ کی ویڈیو کی تشہیری مہم کا حصہ تھی۔ کوک اسٹوڈیو سے مشہور ہونے والے اس گانے کی اب ویڈیو جاری کی جارہی ہے اور زوئی وکاجی اس کے لیے بے حد پرجوش ہیں۔

اپنے سوشل میڈیا پر پوسٹ کی جانے والی تصاویر میں زوئی 80 کی دہائی کی ہیروئن کا روپ دھارے نظر آرہی ہیں۔ ان کے ساتھ کاشف حسین اور سنیل شنکر بھی گانے میں موجود ہوں گے۔

Coming soon!!!! Feeling super grateful to all of those who helped make this happen. You know who you are 🙂 ❤️❤️

A photo posted by Zoe Viccaji Official (@zoeviccajime) on

گانے کی ہدایت کاری کے فرائض مہر جعفری انجام دیں گی۔

زوئی وکاجی نے اپنی گلوکاری کا آغاز کو ک اسٹوڈیو میں پس منظر گلوکاری سے کیا اور بہت جلد شہرت کی بلندیوں کو چھولیا۔ وہ اسے قبل بھی اپنا ایک گانا ’ہو جاؤ آزاد‘ جاری کرچکی ہیں جو پاکستان کے شمالی علاقوں میں فلمایا گیا ہے۔

Comments

comments

یہ بھی پڑھیں