The news is by your side.

Advertisement

زلفی بخاری نے شہباز شریف کو”مطلوب”قرار دے دیا

اسلام آباد : معاون خصوصی زلفی بخاری نے مبینہ کرپشن کے مزید انکشافات کے بعد شہبازشریف کو”مطلوب”قرار دے دیا اور کہا موصوف اربوں روپے کک بیکس اورکمیشن کی مد میں لے چکے ہیں۔

تفصیلات کے مطابق اپوزیشن لیڈرشہباز شریف نے مبینہ کرپشن کے مزید انکشافات کے معاملے پر وزیراعظم کے معاون خصوصی زلفی بخاری نے سماجی رابطے کی وہب سائٹ پر دلچسپ رد عمل کا اظہار کیا۔

زلفی بخاری نے شہبازشریف کو”مطلوب”قرار دے دیا اور شناختی علامات ٹوئٹ کردیں اور پیغام میں کہا کہ نام شہبازشریف ،شناختی علامت خودکوخادم اعلیٰ کہتےہیں، کاروبار 23جعلی کمپنیوں کےساتھ شوباز اینڈ سنز۔

زلفی بخاری کا کہنا تھا کہ موصوف اربوں روپےکک بیکس اورکمیشن کی مدمیں لےچکےہیں، کیش بوائز ہر ماہ ڈالرز فیک اکاؤنٹس میں منتقل کررہےہیں، آمدنی کا ذریعہ کوئی نہیں ، موجودہ صورتحال انصاف نہ ملنے پر روناد ھونا جاری ہے۔

یاد رہے شریف خاندان کی کرپشن سے متعلق معاون خصوصی شہزاد اکبر نے کہا تھاکہ اسلام آباد کمپنی حمزہ شہباز کو200 ملین قرضہ کیسے دے رہی ہے، یہ کیسا قرضہ ہے‌، جو صرف حمزہ شہباز کو ہی دیا جاتا ہے، شریف خاندان نے براہ راست پبلک پیسہ لوٹ رکھا ہے، حمزہ شہباز کے اثاثوں میں10 سالوں میں1100فیصد اضافہ ہوا ہے۔

شہزاداکبر کا کہنا تھا کہ لندن کےفلیٹ خریدےگئےتواس وقت شریف فیملی کےوسائل نہیں تھے، جس دن یہ کیس شروع ہوااس دن سےسلیمان شہبازملک سے چلےگئے، اس لیے مطالبہ کیا ہے شہبازشریف کانام ای سی ایل میں ڈالنا چاہیے۔

fb-share-icon0
Tweet 20

Comments

comments

یہ بھی پڑھیں