The news is by your side.

Advertisement

وزیرِ اعظم کی زیرِ صدارت کابینہ کا دوسرا اجلاس: زلفی بخاری کو شاباش مل گئی

اسلام آباد: وزیرِ اعظم عمران خان کی زیرِ صدارت کابینہ کا دوسرا خصوصی اجلاس منعقد ہوا، پہلے اجلاس کی طرح دوسرے میں بھی وزرا کی کارکردگی تسلی بخش قرار دی گئی۔

تفصیلات کے مطابق وزیرِ اعظم کی زیرِ صدارت کابینہ کے دوسرے خصوصی اجلاس میں بھی عمران خان نے پی ٹی آئی وزرا کی کارکردگی کو تسلی بخش قرار دے دیا۔

اوورسیز پاکستانیوں کے لیے شکایات سیل، ٹیلنٹ بینک اور کالنگ پاکستان سروس شروع کی گئی۔

زلفی بخاری

اجلاس میں زلفی بخاری کو شاباش مل گئی، معاونِ خصوصی زلفی بخاری نے وزیرِ اعظم کو 100 روزہ کارکردگی پر بریفنگ دی۔

زلفی بخاری نے کہا کہ اوورسیز پاکستانیوں کے لیے پہلی مرتبہ لا تعداد سہولتیں فراہم کی جا رہی ہیں، جب کہ شناختی کارڈ نائیکوپ کی شرط ختم کر دی گئی ہے۔

معاونِ خصوصی نے بریفنگ میں کہا کہ اوورسیز پاکستانیوں کے لیے شکایات سیل، ٹیلنٹ بینک اور کالنگ پاکستان سروس شروع کی گئی۔

زلفی بخاری نے مستقبل کے اقدامات کے حوالے سے کہا کہ بیرون ملک غریب مزدوروں کے لیے ملازمتوں کے مواقع بڑھائے جائیں گے۔


یہ بھی پڑھیں:  7 ماہ میں کئی بار مایوس ہوا مگر عمران خان نے حوصلہ دیا، زلفی بخاری


وزیرِ اعظم عمران خان نے اوورسیز کے لیے مثبت اقدامات پر زلفی بخاری کو شاباش دی۔ انھوں نے ہدایت کی زرِ مبادلہ ذخائر بڑھانے کے لیے کوششیں شروع کی جائیں۔

خیال رہے کہ دو دن قبل زلفی بخاری نے کہا تھا کہ ای سی ایل سے نام نکالنے کے معاملے پر 7 ماہ میں کئی بار مایوس ہوا مگر عمران خان نے حوصلہ دیا۔

Comments

comments

یہ بھی پڑھیں