دبئی : متحدہ عرب امارات کے وزیر نصیربن ثانی نے معاون خصوصی زلفی بخاری کو بے روزگار پاکستانیوں کے معاملے پر تعاون کی یقین دہانی کرادی اور کہا پاکستان برادر ملک ہے ، تعلقات کو مزید مضبوط بنایا جائے گا۔
تفصیلات کے مطابق اوورسیزپاکستانی محنت کشوں کےمسائل کےحل کیلئے معاون خصوصی زلفی بخاری کی متحدہ عرب امارات کے وزیر افرادی قوت نصیر بن ثانی سے ملاقات ہوئی، یواےای وزیر نصیر بن ثانی نے زلفی بخاری کا پرتپاک استقبال کیا۔
ملاقات میں یو اے ای میں مقیم پاکستانیوں کو درپیش مسائل پر مشاورت سمیت بے روزگارپاکستانی مزدوروں کی ملازمتوں پردوبارہ بحالی پر بھی گفتگو کی گئی۔
Thankyou for your support Excellency Nasser bin Thani Al Hamli.Your help during #Covid_19 has been substantial in easing hardships of Pakistani labour.
This cause is very dear to my PM’s heart,I look forward to continuing our brotherly relations & work together.
🇵🇰🇦🇪@MOHRE_UAE pic.twitter.com/JSoD42bxJy— Sayed Z Bukhari (@sayedzbukhari) July 23, 2020
ملاقات میں پاکستانی لیبر کی محفوظ وطن واپسی پر بھی تبادلہ خیال کیا گیا اور دونوں ملکوں کے درمیان بین الوزارتی تعلقات مزید مضبوط کرنے پراتفاق ہوا، یواے ای وزیر کی بے روزگار پاکستانیوں کے معاملے پر تعاون کی یقین دہانی کرائی۔
معاون خصوصی زلفی بخاری نے پاکستان سے بروقت تعاون پر یواے ای وزیر سے اظہارتشکر کرتے ہوئے کہا مشکل وقت میں پاکستان کا ساتھ دینے پر یواے ای کا شکریہ ادا کرتے ہیں۔
یواےای وزیر نصیر بن ثانی نے کہا پاکستان برادر ملک ہے ، تعلقات کو مزید مضبوط بنایا جائے گا ، پاکستانی لیبر کا تحفظ اور روزگار کو یقینی بنایا جائے گا۔
بعدازاں معاون خصوصی زلفی بخاری نے دبئی میں پریس کانفرنس کرتے ہوئے کہا دبئی میں مقیم پاکستانی محنت کشوں کی مشکلات کا احساس ہے ، کچھ عرصے میں یواےای میں 30 فیصد ہنر مند پاکستانیوں کیلئےاضافی نوکریاں ملیں ، ہنر مند افراد کیلئے یواےای میں روزگار کیلئےمواقع پیدا ہورہے ہیں۔