اسلام آباد : پاکستان تحریک انصاف کے رہنما زلفی بخاری کا کہنا ہے کہ بشکک میں میڈیکل کے پاکستانی طالب علموں پر تشدد کیا جارہاہے، صورتحال انتہائی تشویشناک ہے۔
تفصیلات کے مطابق پاکستان تحریک انصاف کے رہنما زلفی بخاری نے سماجی رابطے کی ویب سائٹ ایکس پر اپنے بیان میں کہا ہے کہ کرغرستان میں صورتحال انتہائی تشویشناک ہے، 48 گھنٹے کیلئےسیاست ایک طرف رکھ کربچوں کامسئلہ حل کیاجائے۔
زلفی بخاری کا کہنا تھا کہ بشکک میں میڈیکل کے پاکستانی طالبعلموں پرتشدد کیا جارہا ہے، پاکستانی طلبا مقامی انتہا پسند ہجوم کی طرف سے شدید تشدد کا نشانہ بن رہے ہیں۔
رہنما پی ٹی آئی نے کہا کہ کرغرستان میں طلبا میں اس وقت خوف و ہراس پھیل چکا ہے، کرغزستان کے اعلیٰ حکام سے بھی درخواست کرتا ہوں وہ اس معاملے کو اٹھائیں۔
ان کا مزید کہنا تھا کہ بین الاقوامی طلباکی حفاظت کرنا ان کا کام اورفرض ہے، ہمارادفتر خارجہ ایک بار پھر سو رہا ہے، پلیز اٹھو اور ہمارے بیٹوں اوربیٹیوں کی حفاظت کرو۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں