The news is by your side.

Advertisement

اوورسیز پاکستانیوں کے لئے کورٹس پر کام ہو رہا ہے: زلفی بخاری

اسلام آباد: وزیر اعظم کے معاون خصوصی برائے سمندر پار پاکستانی زلفی بخاری نے کہا ہے کہ اوورسیز پاکستانیوں کے لئے کورٹس پر کام ہو رہا ہے.

ان خیالات کا اظہار انھوں نے پولیس فیسیلی ٹیشن سینٹرایف 6 کے دورے کے موقع پر کیا. آئی جی اسلام آباد بھی اس موقع پر معاون خصوصی زلفی بخاری کے ہمراہ تھے.

زلفی بخاری نے کہا کہ اوورسیز پاکستانیز کے لئے خصوصی ڈیسک بنائے جا رہے ہیں، ڈیسک سے اوور سیز پاکستانیوں کی شکایتوں کا بروقت ادراک ہوگا.

معاون خصوصی برائے سمندر پار پاکستانی نے کہا کہ اوورسیز پاکستانیوں کی شکایات جائیداد کی مد میں درج ہوتی ہیں، اوورسیز پاکستانیوں کے لئےکورٹس پر بھی کام ہورہا ہے.

مزید پڑھیں: بچت اور سادگی اس وقت ملک کے لیے بہت ضروری ہے، زلفی بخاری

زلفی بخاری نے کہا کہ پی ٹی آئی حکومت اوورسیز پاکستانیوں کے لئے کام کررہی ہے، ہماری مسائل پر نظر ہے. معاون خصوصی کا کہنا تھا کہ اوورسیز پاکستانیوں کی شکایات موصول ہورہی ہیں، کوشش ہے  اوورسیز پاکستانیوں کی شکایات فوری حل کی جائیں.

یاد رہے کہ 29 اپریل 2019 کو زلفی بخاری نے اپنے ایک بیان میں کہا تھا کہ بچت کو قومی فرض کے طور پر دیکھا جانا چاہئے، بچت اور سادگی اس وقت ملک کے لیے بہت ضروری ہے۔

Comments

comments

یہ بھی پڑھیں