The news is by your side.

Advertisement

نیب تحویل میں پروفیسر کی موت افسوسناک واقعہ ہے: زلفی بخاری

لندن: وزیراعظم عمران خان کے معاون خصوصی زلفی بخاری کا کہنا ہے کہ نیب تحویل میں پروفیسر کی موت افسوسناک واقعہ ہے۔

ان خیالات کا اظہار انہوں نے اے آر وائی نیوز سے گفتگو کرتے ہوئے کیا، زلفی بخاری کا کہنا تھا کہ نیب ایک آزاد ادارہ ہے جس میں بہتری کی گنجائش موجود ہے۔

انہوں نے کہا کہ انکوائری اندرونی طور پہ ہونی چاہیے جیسا برطانیہ میں ہوتا ہے، نیب ایک زبردست ادارہ بن سکتا ہے۔

معاون خصوصی برائے وزیراعظم کا مزید کہنا تھا کہ اوورسیز پاکستانیوں کے لیے بتدریج اقدامات کررہے ہیں۔

لاہور: سرگودھا یونیورسٹی کے پروفیسر جاوید اقبال کیمپ جیل میں انتقال کر گئے

خیال رہے کہ گذشتہ روز سرگودھا یونیورسٹی کرپشن کیس میں نیب کے زیر حراست پروفیسر جاوید حرکت قلب بند ہوجانے کے باعث انتقال کرگئے۔

بعد ازاں جیل حکام نے وضاحت کی تھی کہ پروفیسر جاوید اقبال کو اچانک طبیعت خراب ہونے پر سروسز اسپتال لے جایا گیا تھا ان ابتدائی طبی امداد کے بعد اسپتال سے روانہ کردیا گیا تھا ، وہ اسپتال سے جیل پہنچے جہاں وہ دل کا دورہ پڑنے سے جاں بحق ہوئے۔

لاش کو پوسٹ مارٹم کے لیے اسپتال منتقل کردیا گیا ہے، یاد رہے کہ پروفیسر جاوید سرگودھا یونیورسٹی کے غیرقانونی کیمپسز کھولنے کے الزام میں جوڈیشل ریمانڈ پر جیل میں تھے۔

Comments

comments

یہ بھی پڑھیں