The news is by your side.

Advertisement

بینکاک ایئرپورٹ پر پھنسے پاکستانیوں کو واپس لائیں گے، زلفی بخاری

اسلام آباد: وزیر اعظم کےمعاون خصوصی زلفی بخاری کا کہنا ہے کہ بینکاک ایئرپورٹ پر پھنسے پاکستانیوں کو واپس لائیں گے۔

تفصیلات کے مطابق وزیر اعظم کےمعاون خصوصی زلفی بخاری نے کہا کہ چین سے طلبہ کو واپس نہ بلانے کا سارا ملبہ مجھ پرگرایا گیا تنقید کی گئی، وقت نے ثابت کیا پاکستانی طلبہ کوواپس نہ لانے کا فیصلہ درست تھا۔

انہوں نے کہا کہ مجھ پر تنقید وزیراعظم عمران خان سے قربت کی وجہ سے ہوتی ہے، عارضی بیرون ملک جانے والوں کی واپسی کے لیے انتظامات کر رہے ہیں۔انہوں نے کہا کہ پہلے مرحلے میں بینکاک ایئرپورٹ پر پھنسے پاکستانیوں کو واپس لائیں گے۔

زلفی بخاری کا کہنا تھا کہ ایران سے زائرین کو زبردستی لانے کے الزام پر عدالت جاؤں گا، زائرین کو فرار کرانے کے الزام پر خواجہ آصف کے خلاف رجوع کروں گا۔

پاکستان میں بھی کورونا وائرس کی وبا تیزی سے پھیل رہی ہے اور متاثر افراد کی تعداد 1373 تک جا پہنچی ہے ، سب سے زیادہ کیسز صوبہ سندھ میں رپورٹ ہوئے جبکہ وائرس سے اب تک 11 افراد جاں بحق اور 23 مریض صحت یاب ہوچکے ہیں۔

یاد رہے کہ دو روز قبل اسلام آباد ہائی کورٹ نے کرونا وائرس کے پھیلاؤ کی تحقیقات کے لیے جوڈیشل کمیشن کے قیام کی درخواست پر وفاق کو نوٹس جاری کیا تھا۔

fb-share-icon0
Tweet 20

Comments

comments

یہ بھی پڑھیں