The news is by your side.

Advertisement

وطن واپس آنیوالے بے روزگار افراد کی بڑی مشکل آسان ہوگئی

اسلام آباد : وزارت اوورسیز پاکستان اور جرمن ادارے کے درمیان بیرون ممالک سے واپس آنیوالے پاکستانیوں کو سہولت فراہم کرنے سے متعلق معاہدہ طے پاگیا ، زلفی بخاری کا کہنا تھا کہ وطن واپس آنیوالے لوگ چھوٹے کاروبار شروع کرسکیں گے۔

تفصیلات کے مطابق معاون خصوصی زلفی بخاری نے جرمن ادارے کے ساتھ مفاہمتی یادداشت پر دستخط کی تقریب سے خطاب کرتے ہوئے کہا آج 3 ملین یورو کی گرانٹ پر دستخط کئے گئے ہیں ، جہاں جاتا ہوں سوال کیاجاتا ہے تارکین وطن کیلئے کیا کررہا ہوں۔

زلفی بخاری کا کہنا تھا کہ وطن واپس آنیوالے لوگ چھوٹے کاروبار شروع کرسکیں گے، معاہدے کے بعد اوورسیز پاکستانیوں کیساتھ مزید بہتر تعاون کیا جائے گا۔

معاون خصوصی نے کہا کہ ایم او یو سے پاکستانیوں کے مسائل کےحل کیلئےبروقت اقدامات ہوں گے، یہ بڑی کامیابی ہے کہ کورونا کے دور میں ہم ایسے معاہدے کر رہے ہیں ، کورونا کی صورتحال کے بعد بہت سے ورکرزبے روزگار ہوئے ، 18سے زائد شعبوں میں ورکرز کے ساتھ تعاون کیا جائے گا۔

گذشتہ روز وزیراعظم عمران خان سے معاون خصوصی زلفی بخاری نے ملاقات کی جس میں وزارت سمندر پار پاکستانیوں سے متعلق امور پر تبادلہ خیال کیا گیا۔

معاون خصوصی زلفی بخاری نے وزیر اعظم کو دورہ متحدہ عرب امارات سے آگاہ کیا اور بیرون ملک پاکستانی لیبر کے مسائل اور ان کے حل سے متعلق بھی وزیراعظم کو بریفنگ دی۔

وزیراعظم عمران خان نے معاون خصوصی زلفی بخاری کی کوششوں کو سراہتے ہوئے کہا تھا کہ بیرون ملک پاکستانی ہمارا اثاثہ ہیں،کرونا وبا میں بیرون ملک متاثر پاکستانی محنت کشوں کی ہر ممکن مدد کریں گے۔

Comments

یہ بھی پڑھیں