The news is by your side.

Advertisement

وزیراعظم عمران خان کی قیادت میں پاکستان بہتر ڈپلومیسی کررہا ہے: زلفی بخاری

نیویارک: وزیراعظم عمران خان کے معاون خصوصی زلفی بخاری کا کہنا ہے کہ ماضی میں حکومتوں نے امریکا سے مثبت تعلقات قائم کرنے کی کوشش ہی نہیں کی۔

اےآروائی نیوز سے گفتگو کرتے ہوئے زلفی بخاری کا کہنا تھا کہ عمران خان امریکا سے اچھے تعلقات استوار کررہے ہیں، ماضی میں کسی حکومت نے اس پر توجہ نہیں دی۔

انہوں نے کہا کہ اب وزیراعظم عمران خان کی قیادت میں پاکستان بہتر ڈپلومیسی کررہا ہے، ماضی کی حکومتیں خاموشی سے سب کچھ سہتی رہیں۔

معاون خصوصی کا یہ بھی کہنا تھا کہ بہتر سفارت کاری کے نتائج سب کے سامنے ہیں، کشمیر کا مسئلہ ہر فورم پر اٹھایا جارہا ہے، بھارت کے لیے عالمی سطح پر گھیرا تنگ ہورہا ہے۔

عمران خان پر اعتماد ہے، مودی سے اچھے تعلقات ہیں، ثالثی کی پیش کش پر قائم ہوں: ٹرمپ

خیال رہے کہ وزیراعظم عمران خان نے گذشتہ روز امریکی صدر ڈونلڈ ٹرمپ سے مسئلہ کشمیر پر خصوصی ملاقات کی، اس موقع پر ٹرمپ نے مسئلہ کشمیر پر ایک مرتبہ پھر ثالثی کی پیش کش کی، وزیر اعظم پاکستان عمران خان کے ساتھ مشترکہ پریس کانفرنس میں ٹرمپ نے کہا دونوں ممالک کے درمیان ثالثی کے لیے تیار ہوں۔

دریں اثنا عمران خان نے کہا کہ ٹرمپ ثالثی کی پیش کش کرتے ہیں، اور بھارت فرار ہوتا ہے، امریکی صدر سے مسئلہ کشمیر پر مزید بات چیت کریں گے۔

Comments

comments

یہ بھی پڑھیں