The news is by your side.

Advertisement

زلفی بخاری کا کمشنر راولپنڈی کو 1 ارب روپے ہرجانے کا نوٹس

سابق معاون خصوصی زلفی بخاری نے راولپنڈی رنگ روڈ اسکینڈل کی من گھڑت اور جھوٹی رپورٹ ‏بنانے پر موجودہ کمشنر راولپنڈی گلزار حسین شاہ کےخلاف قانونی کارروائی کا فیصلہ کیا ہے، اس ‏سلسلے میں زلفی بخاری نے کمشنر راولپنڈی کو 1 ارب روپے ہرجانے کا نوٹس بھیج دیا ہے۔

نوٹس میں الزام عائد کیا گیا ہے کہ گلزار حسین شاہ بدنام زمانہ کرپٹ بیوروکریٹ ہیں جنہیں ڈسکہ ‏الیکشن میں کرپشن اور دھاندلی میں ملوث ہونے کی وجہ سے ہٹا دیا گیا تھا۔ ‏

زلفی بخاری نے موقف اپنایا ہے کہ گلزارحسسین شاہ کو خصوصی طور پر سابق کمشنر کی جگہ ‏تعینات کیا گیا تھا۔

اس کے باوجود کہ انکوائری کمیٹی کے بقیہ دو ممبران نے تحقیقاتی رپورٹ پر دستخط کرنے سے ‏انکار کردیا تھا لیکن گلزار حسسین شاہ نے پھر بھی رپورٹ میں بغیر ثبوت زلفی بخاری پر اختیارات ‏کے ناجائز استمعال کا الزام عائد کیا۔

اس کیس میں گلزار حسسین شاہ کو عدالت میں الزامات کو ثابت کرنا پڑے گا یا پھر الزام عائد ‏کرنے کی وجہ بتانی پڑے گی، ثبوت اور شواہد کی عدم دستیابی کی صورت میں کمشنر راولپنڈی ‏کو 1 ارب روپے کا ہرجانہ ادا کرنے پڑے گا۔

Comments

یہ بھی پڑھیں