The news is by your side.

Advertisement

ذوالفقار علی بھٹو کی برسی، سندھ حکومت کا 4 اپریل کو عام تعطیل کا اعلان

کراچی: پاکستان پیپلزپارٹی بانی اور سابق وزیر اعظم ذوالفقار علی بھٹو کی برسی کے موقع پر سندھ حکومت نے 4 اپریل کو عام تعطیل کا اعلان کیا ہے۔

تفصیلات کے مطابق سابق وزیر اعظم ذوالفقار علی بھٹو کی برسی 4 اپریل کو منائی جائے گی، سندھ حکومت کی جانب سے برسی کے موقع پر سندھ بھر میں عام تعطیل کا اعلان کیا گیا ہے جس کا نوٹیفکیشن بھی جاری کردیا گیا ہے۔

شہید ذوالفقار علی بھٹو کی 39 ویں برسی کے موقع پر گڑھی خدا بخش میں دعائیہ تقریب کا انعقاد کیا جائے گا جس میں ملک بھر سے لاکھوں کی تعداد میں عوام اور کارکنان شرکت کریں گے۔

مزید پڑھیں: ذوالفقار علی بھٹو کو پھانسی کیوں‌ دی گئی؟ مقدمہ تھا کیا؟

واضح رہے کہ ذوالفقار علی بھٹو 1963 سے 1966 تک ملک کے پہلے فوجی صدر جنرل ایوب کی کابینہ میں وفاقی وزیر تھے، جبکہ 1971 سے 1973 تک ملک کے پہلے سویلین صدر اور 1973 سے 5 جولائی 1977 تک ملک کے وزیر اعظم رہے۔

پانچ جولائی کو جنرل ضیاء الحق نے ملک میں مارشل لاء لگایا اور سابق وزیر اعظم ذوالفقار علی بھٹو کو گرفتار کرلیا گیا، ان پر ایک شخص کے قتل کا مقدمہ چلایا گیا، جس میں 18 مارچ 1978 کو ان کو ہائی کورٹ نے سزائے موت سنائی۔

چھ فروری 1979 کو سپریم کورٹ نے بھی سزا کو برقرار رکھا اور 4 اپریل کو ذوالفقار علی بھٹو کو پھانسی دے دی گئی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں