site
stats
سندھ

ذوالفقارعلی بھٹوکی برسی شایان شان انداز سے منانے کا فیصلہ

کراچی : پاکستان پیپلزپارٹی سندھ کونسل کا اجلاس پی پی سندھ کے صدرسید قائم علی شاہ کی زیر صدارت وزیراعلیٰ ہاوٴس میں منعقد ہوا۔

اجلاس میں 4اپریل 2016کو قائد عوام اور پارٹی کے بانی چیئرمین شہید ذوالفقار علی بھٹو کی 37ویں برسی کی تیاریوں اور انتظامات پرغوروخوص کیا گیا۔

اجلاس میں سینیٹر تاج حیدر، جام مہتاب ڈھر، آغا سراج درانی،سینیٹر ہری رام ، سینیٹرعاجزدھامرہ ، پروفیسراین ڈی خان اراکین قومی و صوبائی اسمبلی اورسینیٹ اراکین نے شرکت کی۔

اجلاس میں فیصلہ کیا گیا کہ 4اپریل کو شہید ذوالفقار علی بھٹو کی 37ویں برسی کے موقع پر گڑھی خدا بخش لاڑکانہ میں عظیم الشان جلسہ عام منعقد ہوگا جس میں لاکھوں کی تعداد میں عوام شرکت کریں گے اور جلسے سے پارٹی کے چیئرمین بلاول بھٹو زرداری اور دیگر مرکزی رہنما اور پارٹی کے صوبائی صدور خطاب کریں گے۔

اجلاس میں تمام ضلعی تنظیموں اور تمام ذیلی تنظیموں کو ہدایت کی گئی کہ وہ اپنے اپنے اضلاع کے جنرل باڈیز اجلاس کر کے برسی میں شرکت کے پروگرام کو حتمی شکل دیں اور قافلوں کی شکل میں گڑھی خدابخش پہنچیں۔

وزیراعلیٰ سندھ نے کہا کہ صدارتی نظام کی باتیں کرنے والے احمقوں کی جنت میں رہتے ہیں ملک کا نظام پارلیمانی ہے اور پارلیمانی ہی رہے گا۔

انہوں نے کہا کہ شہید بھٹو نے اصولوں کی خاطر اپنی جان قربانی کی اور آمر جنرل ضیاالحق کے سامنے سر نہیں جھکایا اور تاریخ میں امر ہوگئے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top