حالیہ رپورٹ میں سامنے آیا ہے کہ بھارتی ایئرفورس ناقص مرمت اور پرانے جہاز ہونے کے سبب پاکستان اور چین کی ایئرفورسزکے ساتھ مطابقت کی استطاعت نہیں رکھتی ہے۔
رپورٹ کے مطابق دفاعی اداروں کو پاکستان ایئر فورس کے ساتھ مطابقت کے لئے بھارتی ایئر فورس کو جدید ساز وسامان سے لیس کرنا ہوگا اور پائلٹس کی ٹریننگ پر بھی توجہ دینی ہوگی۔
پاکستانی ٹام کروز یاسرمدثرکی شاندار ہوابازی کی ویڈیو دیکھنے کے لئے نیچے اسکرول کریں
گزشتہ روز منگل کی صبح بھارتی ایئر فورس کا ایک جیگوار طیارہ الہٰ آباد سے 13 کلومیٹر مشرق میں کریش ہوگیا، حادثے میں جہاز کے دونوں پائلٹ بروقت جہاز سے اخراج کرکے اپنی جان بچانے میں کامیاب ہوگئے۔ بھارفتی فضائیہ کی خستہ حالی کا اندازہ اس بات سے کیا جاسکتا ہے کہ ان کہ اسکواڈرنز کی تعداد کم ہوکر 35 تک آگئی جبکہ ان میں سے بھی کچھ صرف کاغذوں میں موجود ہیں۔
رواں سال جنوری سے اب تک بھارتی فضائیہ کے چھ لڑاکا طیارے گرکرتباہ ہوچکے ہیں۔ یہ صورتحال بھارتی فضائیہ کی خستہ حالی کی نشاندہی کرتی ہے کیونکہ اس پڑوسی ممالک میں پاکستان اور چین شامل ہیں جن کی فضائیہ کا شمار دنیا کی بہترین فضائیہ میں ہوتا ہے۔
واضح رہے کہ بھارت ماضی میں پاکستان اور چین کے ساتھ برسرِپیکاررہ چکا ہے لیکن اورآج بھی بھارتی فضائیہ مگ 21 اور مگ 27جیسے کئی سال قبل ریٹائر ہوجانے والے طیاروں پرانحصار کررہی ہے۔
بھارت کے مقابلے میں چینی فضائیہ میں لڑاکا طیاروں کی تعداد تین گنا زیادہ ہے ، جبکہ پاکستان بھی انتہائی تیزی سے جہازوں کی تعداد میں بھارت کے قریب آتا جارہا ہے۔ پاک فضائیہ کے پاس اسوقت 21 لڑاکا اسکواڈرن ہیں جن میں جلد ہی مزید چار کا اضافہ ہونے والا ہے۔ پاکستان اور بھارت نے مجموعی طور پر تین جنگیں لڑیں ہیں اور ہر مرتبہ پاکستانی ایئر فورس نے بھارتی فضائیہ کو ناکوں چنے چبوائے ہیں۔
بھارتی فضائیہ 1970 سے اب تک 1،100 جہاز محض تکینیکی خرابیوں اور باقاعدہ مرمت نا ہونے کے سبب گنوا چکی ہے جو کہ ازخودایک ریکارڈ ہے۔ 2011-2012 سے اب تک بھارتی فضائیہ کے 15 ہیلی کاٹراور35 ایئرکرافٹ گرکرتباہ ہوچکے ہیں۔
پاکستانی پائلٹ ایم ایم عالم کا شماردنیا کے صف اول کے پائلٹس میں ہوتا ہے جنہوں نے 1 منٹ سے بھی کم وقت کے قلیل عصے میں جہاز کے 5 جہازمارگرائے تھے جو کہ آج تک عالمی ریکارڈ ہے۔ پاکستانی فضائیہ آپریشن ضربِ عضب میں بھی انتہائی اہم کردار ادا کررہی ہے اور انتہائی مہارت اور صفائی سے دہشت گردوں کو نشانہ بنانے کے لئے سپاہِ پاکستان کا سب سے موثرہتھیارہے۔
حالیہ دنوں پیرس میں ہونےوالے ایئر شو میں پاک چین اشتراک سےتیار ہونے والے جنگی طیارے جے ایف 17 تھنڈر کے ہوا باز یاسر مدثر نے سماجی رابطے کی ویب سائٹ پردنیا بھرکی توجہ اپنی جانب مبذول کرالی۔
Briefing with Pride! #PAF JF-17’s Pilot briefing Ms. Tehmina Janjua, ambassador of Pakistan to Italy at #ParisAirShow pic.twitter.com/HEkIUFvzCc
— Proud Khaki (@proud_khaki) June 14, 2015
یاسر مدثر جے ایف 17 تھنڈر پر 6000 سے زائد کامیاب پروازیں کرچکے ہیں۔
