کوئٹہ : منو جان روڈ پر نامعلوم افراد کی فائرنگ سے بلوچستان بار ایسوسی ایشن کے صدر بلال انور کاسی جاں بحق ہو گئے ہیں۔
تفصیلات کے مطابق بلال انور کاسی صبح اپنے گھر سے عدالت کی جانب جا رہے تھے کہ منو جان روڈ پر نامعلوم افراد نے فائرنگ کر کے انہیں شدید زخمی کر دیا،جنہیں قریبی واقعہ سول اسپتال منتقل کیا گیا جہاں وہ زخموں کی تاب نہ لاتے ہوئے بلوچستان بار ایسوسی ایشن کے صدر جاں بحق ہو گئے۔
پولیس ذرائع کے مطابق بلوچستان بار ایسوسی ایشن کے صدر بلال انور کاسی کو گھر سے عدالت جاتے ہوئے راستے میں گولیاں مار کر جاں بحق کر دیا گیا ہے، اُن کا پوسٹ مارٹم جاری ہے جس کی مفصل رپورٹ آنے کے بعد پولیس اپنی تحقیقات کا دائرہ وسیع کرے گی۔
