ہماری فطرت میں ہر چیز اپنی الگ شناخت رکھتی ہے۔ آپ نے کبھی دیکھا نہیں ہوگا لیکن آپ کے گھر میں موجود پھول پودے دن کے 24 گھنٹوں میں مختلف نظر آتے ہیں۔
دن بھر سفر کرتی سورج کی روشنی جب مختلف چیزوں پر مختلف اوقات میں پڑتی ہے تو ہر بار اس کا نیا رنگ اور روپ نظر آتا ہے۔ اسی طرح رات کا ہر پہر، اور اس کا ایک ایک منٹ اپنے اندر الگ رنگ سموئے ہوئے ہوتا ہے۔
انہی رنگوں کو دریافت کرنے کے لیے ایک ہسپانوی فوٹوگرافر نے ان تمام لمحوں کو فلم بند کیا۔ اس کے لیے اس نے ’ٹائم لیپس‘ کی تکنیک استعمال کی۔ اس تکنیک کے ذریعہ کئی گھنٹوں کا منظر تیزی سے گزرتا ہوا چند منٹوں یا سیکنڈز کا رہ جاتا ہے۔
آسمانی بجلی کیسے گرتی ہے *
ہسپانوی فوٹوگرافر نے مختلف مقامات پر اپنے کیمرے سے پوری رات یا دن میں کئی گھنٹوں کی ریکارڈنگ کی اور جب نتیجہ سامنے آیا تو فوٹوگرافرز کی ٹیم خود بھی دنگ رہ گئی۔
ویڈیو میں پوری رات کے دوران چاند اور تاروں کا سفر، بادلوں کا گزر اور ان کی روشنی کے زمین پر پڑنے کے مناظر موجود ہیں جنہیں دیکھ کر آپ اندازہ لگا سکتے ہیں کہ ہماری فطرت کے ایک ایک لمحہ میں کتنی خوبصورتی موجود ہے۔
یہ ویڈیو ایک ہفتہ کے دوران ریکارڈ کی گئی اور اس کے لیے اسپین کے مختلف علاقوں کا سفر کیا گیا۔
ویڈیو دیکھیں۔
