حال ہی میں رشتہ ازدواج میں منسلک ہونے والی اداکارہ اشنا شاہ کے شوہر حمزہ امین کا ولیمے سے قبل پیغام وائرل ہوگیا۔
پاکستانی ڈرامہ انڈسٹری کی معروف اداکارہ اشنا شاہ گزشتہ دنوں گالفر حمزہ امین کے ساتھ رشتہ ازدواج میں منسلک ہوئیں جس کی تصاویر اور ویڈیوز سوشل میڈیا پر وائرل ہوگئی تھیں۔
اداکارہ نے تصاویر وائرل ہونے پر فوٹو گرافرز کو کڑی تنقید کا نشانہ بنایا تھا۔
بعدازاں اشنا شاہ نے شادی کی تقریب کی تصاویر وائرل کرنے والے فوٹو گرافرز کو معاف کرتے ہوئے سوشل میڈیا سے عارضی طور پر کنارہ کشی اختیار کرنے کا اعلان کیا تھا۔
اداکارہ نے لکھا تھا کہ ’میں اپنی شادی شدہ زندگی کا سفر اس احساس کے ساتھ شروع نہیں کرسکتی کہ میری وجہ سے کسی کی بدنامی ہو، مجھے کوئی حق نہیں پہنچتا کہ میں اس طرح کسی کو آن لائن بے عزت کروں پھر چاہے انہوں نے مجھے کتنا ہی دکھ دیا ہو اس لیے میں فوٹو گرافر سے معافی مانگتی ہوں۔
انہوں نے سوشل میڈیا صارفین سے بھی معافی مانگی اور کہا تھا کہ مجھے میرے شادی کے جوڑے کے انتخاب کے لئے معاف کر دیں اور اس چیز کے لئے بھی کہ میں نے اپنی چیز کو اپنے تک رکھنا چاہا۔
اداکارہ نے اپنے مداحوں کے پیار اور دعاؤں کا شکریہ ادا کرتے ہوئے سوشل میڈیا کو دو دھاری تلوار قرار دیا اور کہا تھا کہ ذہنی سکون کی خاطر اس سے کچھ عرصے کے لئے کنارہ کشی اختیار کررہی ہوں، اب کچھ وقت شوہر حمزہ امین اور اپنے سسرالیوں کو دینے کا فیصلہ کیا ہے۔
تاہم اداکارہ نے شوہر حمزہ امین نے سوشل میڈیا پر ولیمے سے قبل اشنا شاہ کی تصویر شیئر کی اور لکھا کہ ’میری خوبصورت اہلیہ ولیمے کے لیے تیار ہیں۔
یاد رہے کہ اداکارہ اے آر وائی ڈیجیٹل کے ڈرامہ سیریل ’حبس‘ میں ’عائشہ‘ کا مرکزی کردار نبھایا تھا جس کی دیگر کاسٹ میں فیروز خان، اسرا غزل، جاوید شیخ، دانیہ انور، جینیس ٹیسا، عمران اسلم، صبا فیصل ودیگر شامل تھے۔