اسلام آباد : پاکستان نے دراندازی کرنے والی بھارتی سپاہی کو پکڑ لیا جبکہ پاک فوج کی کاروائی میں چھ بھارتی فوجی مارے گئے۔
تفصیلات کے مطابق پاکستان کو بھارتی فوج کی دراندازی اور ایل او سی پر خلاف ورزی کا ثبوت مل گیا، پاک فوج کے چوکس جوانوں نے بارڈرکراس کرنے والے بھارتی اہلکار کو پکڑ لیا ، پکڑے گئے بھارتی فوجی کی تفصیلات اے آر وائی نیوز نے حاصل کرلی ہے۔
دراندازی کرنے والے بھارتی سپاہی کا نام چندو بابو لال ولدیت بھاشن چوہان ہے، بائیس سالہ بابو لال کا تعلق اکیاسی آرمر رجمنٹ سے ہے، وہ ایک سال چار ماہ سے ایل او سی پر تعینات تھا۔
بھارتی سپاہی چندو بابو لال چوہان نے 15 بھارتی سپاہیوں کے ساتھ دراندای کی کوشش کی ، چندو بابو لال کو اسلحہ اور بارود سمت پکڑا گیا ہے، دوران تفتیش چندو بابو لال نے بتایا کہ پاک فوج کی چوکی کو تباہ کرنے کا ٹاسک ملا تھا۔
پاک فوج کی کاروائی میں مارے گئے بھارتی فوجیوں کی ویڈیو
دوسری جانب یونٹ کے پندرہ سپاہیوں کے ساتھ نکیال سیکٹر میں دراندازی کی کوشش کی تو پاک فوج کی کارروائی میں چھ بھارتی فوجی مارے گئے۔ مارے گئے بھارتی فوجیوں کی ویڈیو جاری کردی گئی ہے ، جس میں دیکھا جاسکتا ہے کہ چھ بھارتی فوجیوں کی لاشیں ایل او سی پر پڑی ہے ، بھارتی فوجی خوف کے مارے اپنے ساتھیوں کی لاشیں نہیں اٹھا رہے۔
GRAPHIC VIDEO: Six Indian soldiers killed after they tried to sneak into Pakistan territory along LoC.#SaluteToTheArmy pic.twitter.com/XEoliRqFXi
— Azhar Khan (@Azharkh4) September 30, 2016
یاد رہے کہ گذشتہ روز ہندوستان کی جانب سے لائن آف کنٹرول پر بھمبھر، کیل، تتہ پانی اور لیپا سیکٹر میں بلااشتعال فائرنگ کی گئی تھی، جس کا پاک فوج نے منہ توڑ جواب دیا، اس واقعہ میں پاک فوج کے 2 اہلکار جاں بحق ہوگئے تھے۔
مزید پڑھیں : بھارتی فوج کی بلااشتعال فائرنگ، 2 فوجی اہلکار شہید
ایل او سی پر فائرنگ بعد ہی بھارتی ڈائریکٹر جنرل ملٹری آپریشنز لیفٹیننٹ جنرل رنبیر سنگھ نے دعویٰ کیا تھا کہ بھارتی فورسز نے لائن آف کنٹرول پر سرجیکل اسٹرائیکس کیں۔
مزید پڑھیں : پاکستان نے سرجیکل اسٹرائیک کے بھارتی دعوی کو مسترد کردیا
تاہم آئی ایس پی آر نے لائن آف کنٹرول پر سرجیکل اسٹرائیکس کا بھارتی دعویٰ مسترد کرتے ہوئے ایسے جھوٹ اور بے بنیاد قرار دیا تھا۔