حکومت نے کھاد ساز فیکٹریوں کو خریف کے پورے سیزن سے متعلق بڑی خوشخبری سنا دی ہے۔
اے آر وائی نیوز کو ذرائع سے ملنے والی اطلاعات کے مطابق حکومت کھاد ساز فیکٹریوں کو خریف کے پورے سیزن میں گیس فراہم کرنے کے لیے تیار ہو گئی ہے۔
اس حوالے سے ذرائع نے بتایا ہے کہ خریف کے سیزن میں مجموعی طور پر 34 لاکھ ٹن یوریا کھاد کی ضرورت ہوگئی جب کہ پیداوار کے لحاظ سے ڈھائی لاکھ ٹن یوریا کی قلت ہو سکتی ہے۔
- Advertisement -
ذرائع کے مطابق خریف سیزن کے لیے کھاد فیکٹریوں سے 50 ہزار ٹن یوریا کھاد اضافی حاصل کی جائے گی جب کہ 2 لاکھ ٹن یوریا امپورٹ کی جائے گی۔
ذرائع کا کہنا ہے کہ حکومت خریف کے موسم میں تین بڑی فصلوں کے پیداواری اہداف حاصل کرنا چاہتی ہے جس کے لیے کھاد فیکٹریوں کو بلاتعطل گیس فراہمی کا فیصلہ کیا ہے اور اس سلسلے میں ایک سمری جلد ای سی سی میں پیش کی جائے گی۔
