واشنگٹن: امریکا نے ترک حکومت سے فتح اللہ گولن کے خلاف بغاوت کے جرم میں ملوث ہونے کے شواہد مانگ لیے، جان کیری کا کہناہے کہ ترکی نے گولن کو طلب کیا تو حوالے کردیں گے۔
اطلاعات کے مطابق ترکی نے الزام عائد کیا ہے کہ امریکا میں مقیم مذہبی رہنما فتح اللہ گولن کے ایما پر فوج کے ایک گروپ نے بغاوت کی اس لیے انہیں ترکی کے حوالے کیا جائے جس پر امریکا نے ترک حکومت سے گولن کے خلاف ثبوت طلب کرلیے ہیں۔
اطلاعات ہیں کہ امریکا نے فتح گولن کو ترکی کے حوالے کرنے کا فیصلہ کرلیا ہے، امریکی وزیر خارجہ جان کیری نے کہا ہے کہ اچھی طرح اندازہ ہے کہ ترکی فتح اللہ گولن کی حوالگی کا مطالبہ کرے گا، ترکی کے مطالبے پر عمل درآمد کیا جائےگا۔
- Advertisement -
یاد رہے ترک حکومت نے فوجی بغاوت کی ناکام کوشش کی ذمہ داری امریکا میں مقیم مذہبی رہنما فتح اللہ گولن پر عائد کی ہے۔
