کراچی: وزیر اعلیٰ سندھ سید مراد علی شاہ نے شہید امجد صابری کے ورثاء کے لیے 1 کروڑ امداد کی سمری پر دستخط کردیئے۔
تفصیلات کے مطابق وزیر اعلیٰ سندھ سید مراد علی شاہ کی جانب سے شہید امجد صابری کے ورثاء کے لیے 1 کروڑ روپے کے امدادی چیک پر دستخط کردیا گیا ، وزیراعلی سندھ نے سیکریٹری خزانہ کو ہدایت دی کہ امدادی چیک جلد از جلد صابری خاندان کو فراہم کیا جائے ۔
سابق وزیر اعلی سندھ قائم علی نے شاہ امجد صابری کے اہل خانہ کے لیے ایک کروڑ روپے کی امداد کا اعلان کیا تھا ۔
واضح رہے کہ وزیر اعظم نواز شریف نے امجد صابری مرحوم کے اہل خانہ کیلئے ایک کروڑ روپے امداد کا اعلان کیا تھا ساتھ ہی انہوں نے کہا تھا کہ وفاقی حکومت امجد صابری کے بچوں کے تعلیمی اخراجات اٹھائے گی۔
وزیراعظم نے کہا تھا کہ امجدصابری سچے عاشق رسول تھے، انہوں نے اپنے کلام سے برداشت،محبت اور رواداری کوفروغ دیا۔
