کراچی : لانڈھی میں غیر ملکیوں کی گاڑی پر خودکش حملے میں استعمال ہونے والی موٹرسائیکل کی تفصیلات سامنے آگئی ، جس میں بتایا گیا ہے موٹرسائیکل کا مالک کون ہیں۔
تفصیلات کے مطابق کراچی کے علاقے لانڈھی میں غیر ملکیوں کی گاڑی پر خودکش حملے کرنے والے دہشت گردوں کے زیر استعمال موٹر سائیکل کی تفصیلات سامنے آگئیں۔
دہشت گردوں نے کالے رنگ کی 70سی سی موٹرسائیکل استعمال کی ، موٹرسائیکل سلمان مسیح کے نام اور پتہ کا لاپل کر سچن کالونی بزرٹا لائن ہے۔
حکام کا کہنا تھا کہ موٹر سائیکل کا ماڈل 2012 ہے تاہم تفتیشی حکام کی جانب سے مزید تحقیقات جاری ہے۔
یاد رہے آج صبح لانڈھی مانسہرہ کالونی میں غیر ملکیوں کو لے جانے والی گاڑی کو ٹارگٹ کیا گیا تھا ، پولیس نے حملہ ناکام بناتے ہوئے 2 دہشت گردوں کو ہلاک کردیا تھا۔
گاڑی میں غیرملکی شہری موجود تھے، جو محفوظ رہے، پولیس ذرائع کا کہنا تھا کہ ایک دہشت گرد نے خود کو دھماکے سے اڑا لیا، دوسرا دہشت گرد پولیس سے مقابلے میں مارا گیا، ہلاک ہونے والے دہشت گردوں کے پاس سے بیگ بھی ملا ہے۔
دھماکے کی تفصیلات بتاتے ہوئے ڈی آئی جی ایسٹ غلام اظفر مہیسر کہا کہ کہ ابتدائی طور پر لگتا ہے دہشت گردوں کی تعداد 2 تھی اور دونوں پیدل تھے، ایک دہشت گرد نے گاڑی کےقریب آکر خود کو دھماکے سے اڑایا جبکہ دوسرے دہشت گرد نے گاڑی پر فائرنگ کی.
ڈی آئی جی ایسٹ کا کہنا تھا کہ غیرملکیوں کےہمراہ موجود سیکیورٹی گارڈ نے دہشت گرد سے مقابلہ کیا،پیٹرول پمپ کےقریب پولیس موبائل کھڑی تھی جودھماکےکی آوازسن کرپہنچی، شرافی گوٹھ تھانےکےاہلکاروں نےبھی دہشت گردسےمقابلہ کیا، پولیس سے مقابلے میں ایک دہشت گرد ہلاک ہوا۔
غلام اظفر مہیسر نے بتایا کہ حملہ صبح 6 بجکر 50 منٹ کیاگیا، خودکش حملہ آوورکاسراورکچھ اعضاملےہیں، فائرنگ سےہلاک دہشت گرد کی فنگرپرنٹس سےشناخت کی جائے گی۔
