لاہور: پولیس نے گاڑیوں کو موٹر سائیکل سے ٹکر مار کر لوٹنے والا ڈاکو کو گرفتار کرلیا۔
تفصیلات کے مطابق لاہور میں سییف سٹی کیمروں کی مدد سے پولیس نے گاڑیوں کو موٹر سائیکل سے ٹکر مار کر لوٹنے والا ڈاکو کو گرفتار کرلیا۔
ترجمان پولیس کے مطابق لاہور سیف سٹی نے حادثے کا رنگ دیکر شہریوں کو لوٹنے والے ڈاکو کی ویڈیو جاری کر دی، فوٹیج میں دیکھا جاسکتا ہے ٹریفک سگنل پر رکنے والی گاڑی کو موٹرسائیکل سوار ڈاکو نے پیچھے سے ٹکر ماری۔
پولیس کا کہنا ہے کہ گاڑی سے اترتے ہی ڈاکو نے شہریوں کو گن پوائنٹ پر لوٹنے کی کوشش کی، کار سوار کی جانب سے مزاحمت کرنے پر ڈاکو نے گولی چلا دی، جب گشت پر مامور ڈولفن اہلکار پہنچے تو ڈاکو نے فرار ہونے کی کوشش کی، سیف سٹی ورچوئل پٹرولنگ آفیسر نے ڈکیت کو کیمروں سے ٹریس کیا۔
ترجمان نے بتایا کہ ڈولفن فورس نے سیف سٹی کی نشاندہی پر تعاقب کر کے ملزم کو گرفتار کر لیا، گرفتار ملزم کیخلاف مقدمہ درج کرکے قانونی کارروائی کا آغاز کر دیا گیا ہے۔
