بھارت میں نوجوان نے کی بورڈ کی مدد سے منفرد ریکارڈ بناتے ہوئے گنیز ورلڈ ریکارڈ میں اپنا نام درج کروالیا۔
بھارتی میڈیا رپورٹس کے مطابق حیدرآباد سے تعلق رکھنے والے ایس کے اشرف نامی شہری نے کمپیوٹر پر انگریزی حروف تہجی ’زیڈ سے اے‘ صرف 2.88 سیکنڈ میں ٹائپ کرکے منفرد ریکارڈ قائم کردیا۔
انسٹاگرام ویڈیو میں نوجوان کو تیزی سے زیڈ سے اے تک الفاظ ٹائپ کرتے دیکھا جاسکتا ہے جبکہ ایک شخص کے ہاتھ میں ٹائمر بھی موجود ہے۔
- Advertisement -
اشرف نے صرف 2.88 سیکنڈ میں اے سے زیڈ کو الٹا ٹائپ کرکے ریکارڈ قائم کیا۔
View this post on Instagram
ویڈیو انسٹاگرام پر شیئر ہوتے ہی لاکھوں ویوز حاصل کرچکی ہے اور لوگ اشرف کو ناقابل یقین کامیابی پر مبارک باد دینے کے ساتھ ساتھ حیرت کا اظہار کررہے ہیں۔
ایک صارف نے لکھا کہ اس کے ریکارڈ پر ہمیں فخر ہے، دوسرے نے لکھا کہ بالآخر ایک معقول عالمی ریکارڈ بنایا ہے۔
