لندن : پاکستان تحریک انصاف کے صدر چوہدری پرویز الہی کے صاحبزادے مونس الٰہی نے کہا ہے کہ چیئرمین پی ٹی آئی سے صلح ہوگی تو ملک آگے بڑھے گا۔
لندن میں صحافیوں سے غیر رسمی گفتگو کرتے ہوئے مونس الٰہی نے کہا کہ شہباز شریف کو موقع ملا لیکن وہ ڈلیور کرنے میں ناکام رہے۔
- Advertisement -
ایک سوال کے جواب میں ان کا کہنا تھا کہ اسحاق ڈار اورشہباز شریف اپنے مقاصد میں کامیاب رہے، انہوں نے ملکی معیشت کو بہت نقصان پہنچایا، بجلی کے بلوں، مہنگائی اور بڑھتی بیروزگاری نے عوام کی زندگی اجیرن کر دی ہے۔
انتخابات کے حوالے سے گفتگو کرتے ہوئے انکا کہنا تھا کہ آئین کے مطابق وقت پر انتخابات وقت کی ضرورت ہے اور اگر الیکشنز میں تاخیر ہوئی تو ملکی معیشت کو ناقابل تلافی نقصان ہوگا۔
