اسلام آباد : بجٹ 2024-25 کی تیاری میں مشکلات کا سامنا ہے، 3سالہ بجٹ حکمت عملی پیپر2024 تا 27 تاحال تیار نہ ہو سکا۔
تفصیلات کے مطابق بجٹ 2024-25 کی تیاری تاخیر کا شکار ہے، جس کے باعث شیڈول بھی متاثر ہے.
ذرائع نے بتایا کہ 3سالہ بجٹ حکمت عملی پیپر2024 تا 27 تاحال تیار نہ ہو سکا، بجٹ اسٹریٹجی پیپر 22 اپریل تک منظور کرانے کا ہدف تھا۔
- Advertisement -
ذرائع کا کہنا تھا کہ سالانہ پلان کوآرڈینیشن کمیٹی کے اجلاس بھی نہیں بلائے گئے جبکہ قومی اقتصادی کونسل کا اجلاس مئی کے دوسرے ہفتے میں شیڈول ہیں۔
کابینہ کیلئے بجٹ دستاویزات کی تکمیل رواں ماہ کے آخر میں متوقع ہے ، جس کے بعد نئے مالی سال کا بجٹ جون کے پہلے ہفتے پارلیمنٹ میں پیش کیا جائے گا۔
اس سے پہلے بجٹ دستاویز کی وفاقی کابینہ سے منظوری لی جائے گی۔
