اسلام آباد:وزیراعظم نوازشریف نے کہا ہے کہ عمان حکومت کی جانب سے فیری سروس کی تجویز کا خیرمقدم کرتے ہیں. اس کے ذریعے بہتر تعلقات کا باب کھلے گا۔
تفصیلات کے مطابق وزیراعظم نوازشریف نے عنان کی جانب سے پیش کردہ تجویز کا خیرمقدم کرتے ہوئے کہا کہ عمان حکومت کی جانب سے کراچی سے گوادر کے درمیان فیری سروس کا اآغاز کرنے کا ارادہ کرنا مثبت اقدام ہے۔انہوں نے ان خیالات کا اظہار جمعرات کے روز وزیراعظم سیکریٹریٹ میں عمان سے آئے ریاستی کونسل کے صدر ڈاکٹر یحییٰ مہفودہ سلیم اللہ منٹرا کی صدارت میں آئے وفد سے ملاقات کے دوران کیا۔
وزیراعظم نواز شریف کا کہنا تھا کہ اس اقدام سے پاکستان اور عمان کے درمیان دوستی کا نیا باب کھلے گا۔وزیراعظم کا کہنا تھا کہ فیری سروس کی بدولت عوام کو سستا اور معیاری سفر کرنے کا سہنری موقع ملے گا،انہوں نے مزید کہا کہ پاکستان اور عمان جعرافیائی اعتبار سے فطری اتحادی ہیں۔
عمان سے آئے وفد نے میاں نواز شریف سے کہا کہ دونوں ممالک کے باہمی تعلق سے طب ، تعلیم ،کاروبار، سائنس اور ٹیکنالوجی کی فلیڈ مٰیں بھی فائد ہ اٹھا یا جاسکتا ہے۔
عمان سے آئے وفد میں شامل تعلیم اور ریسرچ کمیٹی کے رکن احمد علی ، ثقافت اور سیاحت کمیٹی کے رکن احمد سلیمانی اقتصادی کمیٹی کے رکن وفا سلیم علی ، سماجی کمیٹی کے نائب چیرمین یوسف وارثی اور رکن سماجی کمیٹی عائشہ احمد یوسف شامل تھے . اس موقع پر چیرمیئن سینٹ رضا ربانی اور سینٹر تاج حیدر بھی موجود تھے۔
