اسلام آباد : بانی پی ٹی آئی نے اہم رہنما کو چیئرمین پی اے سی بنانے کا فیصلہ کرلیا اور سیاسی کمیٹی میں کثرت رائے سے نام فائنل کیا گیا۔
تفصیلات کے مطابق پاکستان تحریک انصاف (پی ٹی آئی) کی جانب سے چیئرمین پی اے سی کے لیے نام سامنے آگیا۔
ذرائع نے بتایا کہ شیخ وقاص اکرم کو چیئرمین پی اے سی بنانے کا فیصلہ کیا گیا ہے، تحریک انصاف کی سیاسی کمیٹی نے ان کے نام کی منظوری دی۔
بانی پی ٹی آئی نے شیر افضل مروت کے بعد حامد رضا ،شیخ وقاص اکرم کے نام تجویز کئے تھے اور چیئرمین پی اے سی کا معاملہ شبلی فراز کوطےکرنےکی ہدایت کی تھی۔
اسلام آباد:شبلی فراز نے مشاورت کےلئے معاملہ سیاسی کمیٹی کے سپرد کیا تھا تاہم صاحبزادہ حامد رضا نے کمیٹی کی سربراہی لینے سے انکار کر دیا۔
سیاسی کمیٹی میں کثرت رائے سے شیخ وقاص کا نام فائنل کیا گیا ،سنی اتحاد کونسل سربراہ پی اے سی کے لیے شیخ وقاص کا نام تجویز کریں گے۔
