پاکستان تحریک انصاف کی جانب سے انوارالحق کاکڑ اور حنیف عباسی میں ہونے والی تکرار پر ردعمل دی گیا ہے۔
تفصیلات کے مطابق پاکستان تحریک انصاف کے ترجمان کا کہنا تھا کہ سابق نگراں وزیراعظم انوارالحق کاکڑ اور حنیف عباسی میں ہونے والی تکرار پاکستانی قوم کی آنکھیں کھولنے کیلئے کافی ہے۔
ترجمان تحریک انصاف نے مزید کہا کہ تکرار درحقیقت قومی خزانے کی چوری میں ملوث کرداروں کا اعتراف جرم ہے۔
- Advertisement -
پی ٹی آئی نے کہا کہ گفتگو کا معاملہ شفاف تحقیقات کا متقاضی ہے، سابق نگران وزیر اعظم انوار الحق کاکڑ نے آئینی اختیارات سے تجاوز کیا۔ وافر گندم کی موجودگی کے باوجود اضافی گندم کی درآمد کا خمیازہ کسان بھگت رہا ہے۔
ترجمان تحریک انصاف نے کہا کہ گفتگو کے تناظر میں جوڈیشل کمیشن قائم کرکے ذمہ داران کا احتساب کیا جائے۔
