راولپنڈی سے خطرناک اسلحہ کی بھاری کھیپ پکڑی گئی جبکہ 2 اسمگلر کو بھی گرفتار کرلیا گیا۔
تفصیلات کے مطابق سی پی او خالد ہمدانی نے بتایا کہ راولپنڈی سے خطرناک آتشیں اسلحے کی بھاری کھیپ پکڑی گئی جبکہ 2 اسمگلرز کو بھی گرفتار کرلیا گیا ہے۔
سی پی او کے مطابق اسلحہ اسمگلرز سے 35 پستول برآمد ہوئے، ملزمان بہادر خان، راشد شاہ سے ہزاروں گولیاں بھی برآمد ہوئیں، ویسٹریج پولیس نے مشکوک گاڑی کو روک کر چیک کیا تو اسلحہ برآمد ہوا۔
- Advertisement -
سی پی او خالد ہمدانی نے مزید بتایا کہ پولیس نے ملزمان کو گرفتار کر کے الگ الگ مقدمات درج کر لئے۔
