بھارتی فوج مختلف نفسیاتی امراض کا شکار ہو کر خودکشیاں کرنے لگی، خودکشیوں کے بڑھتے رجحان نےخطرےکی گھنٹی بجا دی۔
تفصیلات کے مطابق مقبوضہ کشمیرمیں تعینات بھارتی افواج میں خودکشیوں کا رحجان بڑھتا جارہا ہے ، مقبوضہ کشمیرمیں ظلم کے پہاڑ توڑنےوالی بھارتی فوج کاذہنی توازن بگڑنے لگا۔
بھارتی فوج مختلف نفسیاتی امراض کا شکار ہو کر خودکشیاں کرنےلگی، بھارتی فوج میں خودکشیوں کے بڑھتے رجحان نےخطرےکی گھنٹی بجا دی۔
کشمیر میڈیا سروس نے بتایا کہ 27 مارچ 2024کو جموں و کشمیر کے ضلع شوپیاں میں بھارتی پیراملٹری سینٹرل ریزرو پولیس فورس کے ایک اہلکار نے خودکشی کرلی جبکہ سینٹرل ریزرو فورس کے اہلکار نے اپنی سروس رائفل سے خود کو گولی مار کر اپنی زندگی کا خاتمہ کردیا۔
مقبوضہ کشمیر میں بھارتی فورسز کی خودکشی کا یہ پہلا واقعہ نہیں ہے، اس سے قبل بھی خودکشی کے کئی واقعات منظر عام پر آ چکے ہیں اور مقبوضہ وادی میں تعینات بھارتی فوجیوں کی خودکشی کی شرح میں خطرناک حد تک اضافہ دیکھنے میں آیا ہے، 2007 سے اب تک مقبوضہ وادی میں 596 سے زائد بھارتی فوجی خودکشی کر چکے ہیں۔
الجزیرہ کا کہنا ہے کہ مودی حکومت کی ناقص پالیسیوں سے تنگ بھارتی فوجی اپنی ہی جانیں لینے لگے جموں کشمیر میں مودی سرکار کے مظالم سے بھارتی فوجی بھی نالاں ہے۔
الجزیرہ کے مطابق بھارتی حکومت کے نا اہلی اور ناقص پالیسیوں کی بدولت بھارتی فورسز میں ذہنی تناؤ بڑھ گیا جو بعد میں خودکشی کا سبب بننے لگا۔
رائیٹرز کا کہنا تھا کہ اس وقت مقبوضہ کشمیر میں موجود بھارتی فورسز کے نصف سے زاہد اہلکار شدید تناؤ کا شکار ہیں، 16نومبر کو ضلع ادھم پور میں خودکشی کرنے والے بھارتی فوج کے 38 سالہ نائیک ہریش چندر سنگھ کا تعلق 31 راشٹریا رائفل سے تھا جبکہ 15 نومبر 2023 کو حیدرآباد میں بھارتی فوجی راجندرا سنگھ نے خود کو گولی مار لی۔
مقبوضہ کشمیر میں قابض بھارتی فوج میں خودکشی کےبڑھتے رجحان پر بھارتی اور بین الاقوامی میڈیا نے اظہار تشویش کیا ہے۔
