پتوکی : سرکاری اسکول کی خاتون ٹیچر نے تشدد کرکے چھٹی کلاس کے طالبعلم کے ہاتھ کی ہڈی توڑ دی۔
تفصیلات کے مطابق پنجاب کے شہر پتوکی کے سرکاری اسکول کی خاتون ٹیچر نے چھٹی کلاس کے بچے پر تشدد کیا۔
ٹیچرکے تشدد سے چھٹی کلاس کے بچے کے ہاتھ کی ہڈی ٹوٹ گئی ، بچے کے والد نے تھانہ سٹی میں اندراج مقدمہ کی درخواست جمع کرادی ہے۔
والد نے بتایا کہ بیٹے پرکلاس ٹیچر نے دوسری کلاس سے چیئر اٹھا کر لانے پر تشدد کیا۔
ذرائع کا یہ بھی کہنا ہے کہ طالبعلم پرتشددکاواقعہ گزشتہ روزپیش آیا، جسےدبانےکی کوشش کی گئی۔
یاد رہے خان پور میں گورنمنٹ بوائز ایلیمنٹری اسکول کچی جمال میں ٹیچر نے تشدد کرکے طالبہ کا بازو توڑ دیا تھا، والد نے الزام لگایا تھا ٹیچر بچوں سے صفائیاں کراتا اور نہ کرنے پر مارتا تھا۔
والد کا مزید کہنا تھا کہ میری معصوم بچی ٹھیک سے صفائی نہ کر سکی جس پر ٹیچر نے مارا، مارنے کے دوران ٹیچر کے دھکا دینے سے بچی نیچے گری اور بازو ٹوٹ گیا۔
والد نے واقعہ کے خلاف تھانہ سٹی میں تحریری درخواست دی ، جس کے بعد پولیس نے متاثرہ بچی کے والد کی درخواست پر کارروائی شروع کردی تھی۔
