واٹس ایپ نے ’ویو وَنس‘ میسجز کا اسکرین شاٹ لینا بھی ناممکن بنا دیا ہے۔
وے بیٹا انفو کے مطابق واٹس ایپ نے ایک سال قبل تصاویر اور ویڈیوز کی پرائیویسی اور ایپ کی میموری کو بچانے کے لیے ‘ویو ونس’ کا فیچر متعارف کرایا تھا۔
اس فیچر کے تحت بھیجی جانے والی تصویر یا ویڈیو ایک بار کھلنے کے بعد چیٹ سے مکمل طور پر غائب ہو جاتی ہے۔
تاہم اس فیچر میں یہ سیکیورٹی کمزوری تھی کہ ویو وَنس کے تحت بھیجی جانے والی تصاویر کا اسکرین شاٹ لینا ممکن تھا، مگر اب میٹا کی زیر ملکیت ایپ نے اس فیچر کو زیادہ بہتر بناتے ہوئے ویو ونس میسجز کے اسکرین شاٹ لینا نا ممکن بنا دیا ہے۔
📝 WhatsApp beta for iOS 22.21.0.71: what’s new?
WhatsApp is releasing screenshot blocking for view once images and videos to some beta testers!https://t.co/fXvDQIlSxi pic.twitter.com/tIiR3FpBNs
— WABetaInfo (@WABetaInfo) October 4, 2022
فی الوقت اس فیچر کی آزمائش بیٹا ورژن میں کی جا رہی ہے، اس لیے تمام صارفین تک اس کی رسائی میں چند ہفتے یا مہینے لگ سکتے ہیں۔
نئے فیچر کے تحت اگر کوئی ویو ونس میسج کا اسکرین شاٹ لینے کی کوشش کرے گا تو اس کے سامنے ایک پوپ اَپ میسج آئے گا جس میں لکھا ہوگا کہ آپ سیکیورٹی پالیسی کے تحت اسکرین شاٹ نہیں لے سکتے۔
ویو ونس میڈیا فائل (ویڈیو یا آڈیو) اوپن کرنے پر اسے ریکارڈ بھی نہیں کیا جا سکے گا، البتہ واٹس ایپ کی جانب سے فائل بھیجنے والے صارف کو اس سے آگاہ نہیں کیا جائے گا کہ اس کے دوست نے اسکرین شاٹ لینے کی کوشش کی ہے۔
