سینیئر اداکارہ شگفتہ اعجاز نے اپنی دوسری شادی اور دوسری محبت سے پر لب کشائی کردی۔
اداکارہ حال ہی میں عمران اشرف کے پروگرام میں شریک ہوئیں، جہاں انہوں نے محبت اور شادی سمیت اپنی نجی زندگی سے متعلق کھل کر بات کی۔
سینیئر اداکارہ شگفتہ اعجاز نے پروگرام میں دو طرفہ محبت اور دوسری بار محبت کا اعتراف بھی کیا اور کہا کہ یہ ممکن ہی نہیں کہ میری جیسی خوبصورت خاتون صرف یک طرفہ محبت پر ہی زندگی گزار دے۔
انہوں نے کہا کہ زندگی میں یک طرفہ محبت بھی ہوتی ہے، لیکن یک طرفہ محبت تکلیف دہ ہوتا ہے، زندگی بہت عجیب چیز ہے، اگر ہمیں کوئی خوشی ملتی ہے تو اس کے ساتھ میں غم کا شاشے بھی لگا ہوتا ہے، ہر چیز کی قیمت ہے۔
اداکارہ شگفتہ اعجاز نے شادی کے حوالے سے پوچھے گئے سوال پر کہا کہ انہوں نے شوہر یحیٰ صدیقی کی جانب سے پیش کش کے دو سال بعد ان سے شادی کے لیے رضامندی ظاہر کی۔
شگفتہ اعجاز نے بتایا کہ شادی کی پیش کش کو تاخیر سے قبول کرنے کا سبب ان کی ذاتی اور ذہنی پریشانیاں تھیں، کیوں کہ میں پہلے ہی دو بیٹیوں کی ماں تھیں، اس لیے میں دوسری بار رشتہ ازدواج میں بندھنے پر پریشانی اور گھبراہٹ کا شکار تھیں۔
انہوں نے کہا کہ مجھے یہ پریشانی تھیں کہ نہ جانے میرے ہونے والے شوہر میری بیٹیوں کے ساتھ کیسا رویہ رکھیں، وہ انہیں تسلیم کریں گے یا نہیں؟ اس خوف کی وجہ سے میں نے دو سال کا وقت لیا۔
شگفتہ اعجاز نے کہا کہ ان کے شوہر یحیٰ سچے تھے، وہ وقت ے ساتھ میری بیٹیوں کے ساتھ بھی گھل مل گئے، جس کے بعد میں نے ان سے شادی کی۔
واضح رہے کہ شگفتہ اعجاز نے یحیٰ صدیقی سے کئی سال قبل دوسری شادی کی تھی، ان کے شوہر ڈراما پروڈیوسر رہے ہیں، ان کی بھی اداکارہ سے دوسری شادی تھی۔
