بھارت میں نریندر مودی سے مشابہت رکھنے کے باعث گول گپے بیچنے والا بھارتی شہری سوشل میڈیا پر مقبول ہوگیا۔ جس کی ویڈیو کی سوشل میڈیا پر دھوم مچی ہوئی ہے۔
بھارتی میڈیا کا اس حوالے سے کہنا ہے کہ بھارت میں انیل بھائی ٹھکر گجرات میں تلسی پانی پوری سینٹر کے مالک ہیں۔جہاں وہ گول گپے فروخت کرتے ہیں۔
انیل کو ان کے جاننے والے پی ایم مودی کے نام سے پکارتے ہیں کیونکہ ان کا سائیڈ پروفائل اور شکل بھارتی وزیر اعظم سے بہت زیادہ مشابہت رکھتی ہے، جب کہ ان کی تصاویر دیکھ کر اندازا لگایا جاسکتا ہے کہ انیل کے بالوں کا انداز اور سفید داڑھی بھی مودی سے ملتی جلتی ہے۔
بھارتی میڈیا کے مطابق انیل ٹھکر جوناگڑھ سے تعلق رکھتے ہیں وہ گجرات میں تقریباً 18 سال کی عمر سے’تلسی پانی پوری‘ سینٹر چلا رہے ہیں، جبکہ یہ دکان ان کے دادا نے شروع کی تھی۔
گول گپے فروش انیل کا اس حوالے سے کہنا ہے کہ بھارتی وزیر اعظم سے مشابہت کے باعث مقامی لوگوں اور سیاحوں سے بہت پیار اور عزت ملتی ہے۔
