لندن: برطانیہ میں مسلمانوں پرتشدد واقعات میں گذشتہ ایک سال میں ستر فی صد اضافہ ہوا ہے۔
دوسرے یورپی ملکوں کی طرح بر طانیہ میں بھی مسلمانوں کو نشانہ بنایا جانے لگا،خصوصاً حجاب پہننے والی خواتین کو تنگ کرنے کے واقعات میں اضافہ ہوا ہے۔
برطانیہ کی میٹروپولیٹن پولیس کی جانب سے جاری اعداد و شمار کے مطابق اس سال مسلم کمیونٹی کے خلاف تشدد کے واقعات میں ستر فیصد اضافہ ہوا ہے۔
- Advertisement -
مسلمانوں پر تشدد اور حملوں پر نظر رکھنے والی تنظیم ’ٹیل ماما‘ کے مطابق حجاب پہنے والی خواتین اس قسم کے جرائم کا تقریباً ساٹھ فی صد شکار ہوتی ہیں، ان وارداتوں میں انٹرنیٹ پر دھمکی سے لے کر سنگین تشدد کے واقعات تک شامل ہیں۔
جنوب مغربی لندن کے علاقے مارٹن میں اس نوعیت کے جرائم میں سب سے زیادہ اضافہ ریکارڈ کیا گیا ہے۔
