لاہور: ملک میں مرغی کے گوشت کی قیمتوں میں ہوش ربا اضافے کے بعد اب کمی ہونا شروع ہو گئی ہے، آج بدھ کو لاہور میں مرغی کا گوشت 32 روپے مزید سستا ہو گیا ہے۔
گزشتہ روز لاہور میں مرغی کا گوشت 78 روپے سستا ہوا تھا، اور فی کلو 470 روپے فروخت ہو رہا تھا، آج بتیس روپے کمی کے ساتھ فی کلو 438 روپے ہو گیا ہے۔
زندہ مرغی کی قیمت میں 22 روپے فی کلو کمی کی گئی ہے، فارم گیٹ ریٹ زندہ 280 روپے فی کلو ہو گیا، ہول سیل زندہ مرغی 291 روپے، اور بازار میں 302 روپے فی کلو مقرر ہے۔
- Advertisement -
خیال رہے کہ 2 روز میں مرغی کا گوشت 110 روپے فی کلو تک سستا ہوا ہے، جب کہ گزشتہ 3 ہفتوں میں مرغی کا گوشت 259 روپے فی کلو سستا ہوا۔ پاکستان پولٹری ایسوسی ایشن کے مطابق کھپت کے مقابلے میں طلب کم ہونے سے قیمت کم ہوئی ہے، اور چوزے کی قیمت بھی 220 روپے سے کم ہو کر 100 روپے ہو گئی ہے۔
